بۇل تۋرالى بۇگىن پارتيالىق ەمەس بايقاۋ ورتالىعى رەسپۋبليكالىق قوعامدىق بىرلەستىگىنىڭ وكىلدەرى بريفينگ كەزىندە ايتتى.
قازىرگى تاڭدا وڭىرلەردە بايقاۋشىلاردى وقىتاتىن 80-نەن استام ءىس-شارا ءوتتى. ءاربىر 18 جاسقا تولعان، ۇكىمەتتىك ەمەس ۇيىم نەمەسە قوعامدىق بىرلەستىكتىڭ مۇشەسى بولىپ تابىلاتىن ازامات بايقاۋشى بولا الادى، دەپ حابارلايدى Almaty-akshamy.kz.
ول پرەزيدەنتتىككە كانديداتتاردىڭ بارلىعىنا تەڭ قاراپ، سايلاۋ پروسەسىنىڭ مىندەتتەرى مەن قۇقىقتارىن ءتۇسىنۋى شارت.
«6-دان باستاپ كىرەدى. سەگىزدە ءاربىر ۋچاستوك جابىلعاننان كەيىن بيۋللەتەندەردى جويۋ ۇردىستەرىنە، تاسىمالداناتىن جاشىكتەردى، ستاسيونارلىق جاشىكتەردى اشۋ، ساناۋ ۇردىستەرىنە بارىنە قاتىسىپ، كەيىن سوڭىندا سايلاۋ ۋچاسكەسىنىڭ كوك ءمور قويىلعان حاتتامانىڭ كوشىرمەسىن الىپ كەلۋگە ءبىز مىندەت قويىپ وتىرمىز»، - دەدى «پارتيالىق ەمەس بايقاۋ ورتالىعى» رەسپۋبليكالىق قوعامدىق بىرلەستىگىنىڭ ءتوراعاسى تولەگەن كۇنادىلوۆ.