الماتى پوليسياسى ق ر قما-مەن بىرلەسىپ، قالالىق پروكۋراتۋرانىڭ ۇيلەستىرۋىمەن ەسىرتكى جەلىسىن جويدى.
بەس ادام ماريحۋانانى جەتكىزۋمەن جانە ساتۋمەن اينالىسىپ كەلگەن، دەپ حابارلايدى Almaty-akshamy.kz.
ەسىرتكى قىلمىسىمەن اينالىسقاندار: بىرگە تۇراتىن جۇپ، ولاردىڭ دوسى – بەتبەلگى قويۋشى جانە كۋرەر. جاس جۇپتىڭ قىلمىستىق پروسەستىڭ جەتەكشىلەرى ەكەندىگى جەدەل جانە تەرگەۋ ءىس-شارالارى بارىسىندا بەلگىلى بولدى. 27 جاستاعى ل.ەسىمدى ازامات پەن ونىڭ 35 جاستاعى سەرىگى – ك.ەسىمدى ازاماتشا ۇيىمداستىرۋشى جانە ۇيلەستىرۋشى قىزمەتىن اتقاردى. بەتبەلگى قويۋشىلاردىڭ مىندەتتەرىن 30 جاستاكعى ب.ەسىمدى ازامات جانە 28 جاستاعى ا.ەسىمدى ازامات ورىندادى. ال شابارمان 25 جاستاعى ا.ەسىمدى ازامات بولدى.
«قالا پروكۋراتۋراسىنىڭ ۇيلەستىرۋىمەن “ەسىرتكى قىلمىسىنا قارسى كۇرەس” جوباسى اياسىندا جۇرگىزىلگەن ماقساتتى جەدەل-ىزدەستىرۋ ءىس-شارالارىنىڭ ناتيجەسىندە ءبىزدىڭ بولىمشەنىڭ قىزمەتكەرلەرى ق ر ءىىم ەقد، ق ر افم وكىلدەرىمەن بىرلەسىپ، مەسسەندجەرلەر ارقىلى بايلانىسسىز ادىسپەن ەسىرتكى ساتۋدى جولعا قويعان ەسىرتكى ساتۋشىلاردىڭ قىلمىستىق ارەكەتتەرىنىڭ جولىن كەستى. قاسكويلەردىڭ يسپانيا مەن اقش-تان پوشتا ارقىلى ەسىرتكى سالىنعان سالەمدەمەلەردى العانى بەلگىلى بولدى. ءشوپ ءۇشىن تولەمدى تۇتىنۋشىلاردان Qiwi ءاميان ارقىلى العان. قاراجاتتى شىعارۋدى ەكىنشى دەڭگەيلى بانكتەر ارقىلى جۇرگىزگەن. تەرگەۋدىڭ وسى كەزەڭىندە 49 بانكتىك ەسەپشوت انىقتالدى»، – دەدى الماتى قالالىق پد ەسىرتكى قىلمىسىنا قارسى كۇرەس باسقارماسىنىڭ باستىعى ەرلان الماعامبەتوۆ.
ە.الماعامبەتوۆ كۇدىكتىلەردىڭ قىلمىستىق ارەكەتتەرى رەسمي تۇردە قۇجاتتالعانىن، “ساتىپ الۋلار” جۇرگىزىلگەنىن اتاپ ءوتتى. سونىمەن قاتار كۇدىكتىلەردىڭ تۇرعىلىقتى جەرىندە رۇقسات ەتىلگەن ءتىنتۋ جۇمىستارى جۇرگىزىلدى. نەگىزگى ايىپتالۋشىلاردىڭ پاتەرىنەن 6 ميلليون تەڭگە، SIM-كارتالار، بانك كارتالارى، ەلەكتروندى تارازىلار، سونداي-اق ەرەكشە ءيىسى بار شيشكا وسىمدىك زاتتارى تابىلدى جانە تاركىلەندى. ۇستالعاندار قاماۋعا الىندى. پوليسيادا ق ر قپك-نىڭ 201-بابىنا سايكەس وزگە اقپاراتتار تەرگەۋ مۇددەسىنە وراي جاريالاۋعا جاتپايتىنىن ايتىپ ءوتتى. ق ر كونستيتۋسياسىنىڭ 77-بابىنىڭ 3-تارماعىنىڭ 1-تارماقشاسىنا جانە ق ر قپك-نىڭ 19-بابى 1-بولىگىنە سايكەس، زاڭدى كۇشىنە ەنگەن سوت ۇكىمىمەن بەلگىلەنگەنگە دەيىن ءاربىر ادام قىلمىستىق قۇقىق بۇزۋشىلىق جاساۋدا كىناسىز دەپ تانىلادى.