جاڭا اكىمدەر تاعايىنداۋى.
كادر ماسەلەلەرى جونىندەگى كەڭەس بارىسىندا الماتى اكىمى ەربولات دوسايەۆ ق ر پرەزيدەنتى اكىمشىلىگىنىڭ جانە الماتى قالاسى ءماسليحاتىنىڭ كەلىسىمى بويىنشا قالا اكىمىنىڭ وكىمىمەن لاۋازىمدارعا تاعايىندالعان اۋدانداردىڭ جاڭا اكىمدەرىن ۇجىمعا تانىستىردى، دەپ حابارلايدى Almaty-akshamy.kz
ناۋرىزباي اۋدانىنىڭ اكىمى بولىپ نازيرا توعىزبايەۆا تاعايىندالدى، ول 2021 جىلدىڭ قاڭتار ايىنان باستاپ جۇمىسپەن قامتۋ جانە الەۋمەتتىك باعدارلامالار باسقارماسىنىڭ باسشىسى بولىپ جۇمىس ىستەدى.
توعىزبايەۆا نازيرا اسىلبەكقىزى
ەكونوميكا عىلىمدارىنىڭ كانديداتى. قىزىلوردا وبلىسىنىڭ تۋماسى. تۇرمىستا، بالالارى بار.
ءال-فارابي اتىنداعى قازاق ۇلتتىق ۋنيۆەرسيتەتىن جانە قازاق گۋمانيتارلىق-زاڭ ۋنيۆەرسيتەتىن بىتىرگەن.
ەڭبەك جولىن 1998 جىلى قىزىلوردا قالاسى اكىمىنىڭ اپپاراتىندا مامان بولىپ باستاعان.
ءار جىلدارى ءارتۇرلى باسشىلىق لاۋازىمداردا بولدى، ونىڭ ىشىندە الماتى قالاسى قوعامدىق دامۋ باسقارماسى باسشىسىنىڭ ورىنباسارى، الماتى قالاسى اكىمىنىڭ باس ينسپەكتورى — الماتى قالاسى اكىمى جانىنداعى ايەلدەر ىستەرى جانە وتباسىلىق-دەموگرافيالىق ساياسات جونىندەگى قالالىق كوميسسيانىڭ قىزمەتىنە جەتەكشىسى، الماتىداعى سالىنىپ جاتقان مەتروپوليتەن ديرەكسياسى ءبولىمىنىڭ باستىعى، جەكە حالىقارالىق كومپانيالاردا قارجى ديرەكتورى.
ناۋرىزباي اۋدانىنىڭ اكىمى لاۋازىمىنا تاعايىندالعانعا دەيىن 2020 جىلدان باستاپ الماتى قالاسىنىڭ جۇمىسپەن قامتۋ جانە الەۋمەتتىك باعدارلامالار باسقارماسىن باسقاردى.
«ەرەن ەڭبەگى ءۇشىن» مەدالىنىڭ يەگەرى.
اۋەزوۆ اۋدانىنىڭ اكىمى قىزمەتىنە ابزال ەگەمبەردييەۆ تاعايىندالدى. 2022 جىلدىڭ تامىز ايىنان باستاپ ا. ەگەمبەردييەۆ قالانىڭ مەملەكەتتىك اكتيۆتەر باسقارماسىن باسقاردى.
ەگەمبەردييەۆ ابزال قۋاندىق ۇلى
2000 جىلى ابزال ەگەمبەردييەۆ قازاق مەملەكەتتىك زاڭ اكادەمياسىن، 2006 جىلى ت.رىسقۇلوۆ اتىنداعى قازەۋ ەكونوميكا جانە قارجى ينستيتۋتىن، 2014 جىلى قازاق باس ساۋلەت – قۇرىلىس اكادەمياسىن بىتىرگەن، ەكونوميكا عىلىمدارىنىڭ ماگيسترى.
ەڭبەك جولىن 2001 جىلدان 2003 جىلعا دەيىن اتىراۋ وبلىسىنىڭ پروكۋراتۋرا ورگاندارىندا پروكۋرور بولىپ باستاعان.
ءار جىلدارى استانا قالاسى اكىمىنىڭ اپپاراتىندا جۇمىس ىستەدى، ستەپنوگورسك قالاسى اكىمى اپپاراتىنىڭ باسشىسى؛ ءبولىم باستىعى، المالى اۋدانى اكىمى اپپاراتىنىڭ باسشىسى؛ الماتى قالاسى مەدەۋ اۋدانى اكىمىنىڭ ورىنباسارى؛ استانا قالاسى اكىمى اپپاراتىنىڭ باسشىسى، ەسىل اۋدانى اكىمىنىڭ ورىنباسارى؛ استانا قالاسى تابيعي رەسۋرستار جانە تابيعات پايدالانۋدى رەتتەۋ باسقارماسى باستىعىنىڭ ورىنباسارى قىزمەتتەرىن اتقاردى. استانا قالاسى بويىنشا ەكولوگيا دەپارتامەنتىن باسقاردى، جەكە قۇرىلىمداردا باسشىلىق قىزمەتتەر اتقاردى.
بوستاندىق اۋدانىنىڭ اكىمى ساندجار الين بولدى. تاعايىندالعانعا دەيىن ول ەنەرگەتيكا جانە سۋمەن جابدىقتاۋ باسقارماسىنىڭ باسشىسى قىزمەتىن اتقاردى.
الين ساندجار مەءڭدىباي ۇلى
الين ساندجار مەڭدىباي ۇلى 1984 جىلى 30 تامىزدا الماتى قالاسىندا تۋعان.
2007 جىلى Regents Business Collegeء-دى "حالىقارالىق ماركەتينگ" ماماندىعى بويىنشا ءبىتىردى، 2009 جىلى The University of Winchester-دە مۆا دارەجەسىن الدى، 2015 جىلى د.ا. قونايەۆ اتىنداعى كولىك جانە قۇقىق گۋمانيتارلىق ۋنيۆەرسيتەتىن ءبىتىردى.
ەڭبەك جولىن الين ساندجار مەڭدىباي ۇلى "قازاقستاندىق تەلەكوممۋنيكاسيالار ("كاتەلكو پليۋس") جاق-دا كليەنتتەرمەن جۇمىس جونىندەگى مەنەدجەر، تەحنيكالىق كەڭەسشى قىزمەتىنەن باستاعان.
ءار جىلدارى جەكە قۇرىلىمداردا باسشىلىق قىزمەتتەر اتقاردى. ساتۋ جانە ماركەتينگ، قارجى قۇرىلىمدارى، قۇرىلىس، ەنەرگەتيكا جانە كۆازيمەملەكەتتىك سەكتور سالاسىندا، سونداي-اق مەملەكەتتىك قىزمەتتە جۇمىس تاجىريبەسى بار، الماتى قالاسىنىڭ ەنەرگيا تيىمدىلىگى جانە ينفراقۇرىلىمدىق دامۋ باسقارماسىندا ەنەرگيا تيىمدىلىگى جانە ەنەرگيا ۇنەمدەۋدى ارتتىرۋ ءبولىمىنىڭ باسشىسى قىزمەتىن اتقاردى.
بوستاندىق اۋدانىنىڭ اكىمى لاۋازىمىنا تاعايىندالعانعا دەيىن 2022 جىلعى ساۋىردەن 2023 جىلعى مامىرعا دەيىن الماتى قالاسىنىڭ ەنەرگەتيكا جانە سۋمەن جابدىقتاۋ باسقارماسىن باسقاردى
المالى اۋدانىن ايدار جاقىبايەۆ باسقارادى. 2023 جىلدىڭ قاڭتار ايىنان باستاپ الماتى قالاسى اكىمى اپپاراتى باسشىسىنىڭ مىندەتىن اتقارۋشى بولدى.
جاقىبايەۆ ايدار ەربولاتۇلى
جاقىبايەۆ ايدار ەربولات ۇلى 1988 جىلى 14 قىركۇيەكتە شىعىس قازاقستان وبلىسى، وسكەمەن قالاسىندا تۋعان. 2011 جىلى Boston University (اقش) "ينجەنەريا باكالاۆرى"ماماندىعى بويىنشا ءبىتىرگەن.
ەڭبەك جولىن 2011 جىلى جەكە سەكتوردا باستاعان. ءار جىلدارى "كپمگ تاكس ەند ەدۆايزوري" اق، استانا ق.، ق ر ۇلتتىق ەكونوميكا مينيسترلىگىندە، ق ر پرەمەر-مينيسترىنىڭ كەڭسەسىندە، ق ر ۇلتتىق بانكىندە جۇمىس ىستەدى، ق ر ۇلتتىق بانك ءتوراعاسى اپپاراتى دەپارتامەنتى ديرەكتورىنىڭ ورىنباسارى، الماتى قالاسى اكىمىنىڭ كەڭەسشىسى، الماتى قالاسى اكىمى اپپاراتى باسشىسىنىڭ ورىنباسارى قىزمەتتەرىن اتقاردى.
المالى اۋدانى اكىمى لاۋازىمىنا تاعايىندالعانعا دەيىن 2023 جىلدىڭ قاڭتار-مامىر ايلارى ارالىعىندا الماتى قالاسى اكىمى اپپاراتى باسشىسىنىڭ م.ا. بولدى.
