الماتىدا پوليسيا قىزمەتكەرلەرى ەسىرتكى جارناماسىن تاراتقان جىگىتتەردى ۇستادى.
ابىلاي حان داڭعىلىنىڭ بويىندا الماتى پاترۋلدىك پوليسياسىنىڭ قىزمەتكەرلەرى باعانالار مەن قۇرىلىس نىساندارىنا پاراقشالار جاپسىرىپ جۇرگەن ەكى ەر ادامدى بايقادى. “بۋران-057” ەكيپاجى كۇدىكتى ادامداردى تەكسەردى، دەپ حابارلايدى aqshamnews.kz.
ولاردىڭ قولىندا “جىلدام ءارى جوعارى اقى تولەنەتىن” جۇمىس تۋرالى جارنامالىق پاراقشالار بولعان. شىن مانىندە، بۇل ۇسىنىستار قىلمىستىق سيپاتتا: جۇمىس بەرۋشىلەر دەپ اتالاتىندار مۇددەلى ادامدارعا ەسىرتكى كۋرەرى بولۋدى ۇسىنادى. جەدەل تەرگەۋ توبى پاراقشالار مەن باسقا دا ايعاق زاتتاردى تاركىلەدى. قازىرگى ۋاقىتتا بۇل دەرەك بويىنشا المالى اۋداندىق پوليسيا باسقارماسى تەرگەۋ جۇرگىزىپ جاتىر.
ق ر قك-نىڭ 201-بابىنا سايكەس وزگە اقپارات تەرگەۋ مۇددەسىنە وراي جاريا ەتىلمەيدى. ق ر كونستيتۋسياسىنىڭ 77-بابى 3ء-بولىمى 1-تارماعى، ق ر قك-نىڭ 19-بابى 1-تارماعىنا ساي كەز كەلگەن ازامات سوت شەشىمى زاڭدى كۇشىنە ەنگەنگە دەيىن كىناسىز دەپ سانالادى.