بۇل جولى ترافارەتتىك جارنامانى بوياۋ ناۋقانى قالانىڭ تومەنگى بولىگىندە ءوتتى.
ءوز قالالارىن ناشاقورلىق پەن ءومىردىڭ جويىلۋىنا اكەلەتىن لاس ۇسىنىستاردان تازارتۋ ءۇشىن الماتىلىقتار اتسالىستى، دەپ حابارلايدى aqshamnews.kz Polisia.kz-كە سىلتەمە جاساپ.
– ەرىكتىلەردىڭ، بەلسەندى جاستار اراسىنداعى تۇراقتى سەرىكتەستەرىمىزدىڭ، تۇركسىب اۋداندىق پوليسيا باسقارماسى مەن بولىمىندەگى ارىپتەستەردىڭ جانە جەرگىلىكتى اكىمدىكتىڭ كومەگىمەن ەسىرتكىنى قالاي ساتىپ الۋعا بولاتىنى تۋرالى اقپارات جازىلعان 50-دەن استام جازبا جويىلدى. اتاپ ايتقاندا، تۇرعىن ۇيلەردىڭ، گاراجداردىڭ جانە اكىمشىلىك عيماراتتاردىڭ قابىرعالارىندا ەسىرتكىنى تاراتۋدى ناسيحاتتايتىن ترافارەتتەر مەن گراففيتي جارنامالىق سايتتار بويالىپ تاستالدى. ناۋقانعا بارلىعى 30 ادام قاتىستى، – دەيدى الماتى قالالىق پد ەسىرتكى قىلمىسىنا قارسى كۇرەس باسقارماسىنىڭ باستىعى مۇرات جۇمابايەۆ.
2024 جىلى قالادا ەسىرتكىنىڭ تارالۋى تۋرالى اقپاراتتى قامتيتىن 12200 گراففيتي سۋرەت تابىلىپ، ءوشىرىلدى. ۇگىت-ناسيحات دەرەكتەرى بويىنشا ق ر قك-نىڭ 299-1 بابىنا سايكەس قىلمىستىق ىستەر تىركەلدى.