ناشاقورلىقتىڭ الدىن الۋ جانە وعان قارسى كۇرەس وزەكتى ماسەلەلەر بولىپ قالا بەرەدى. ايلىق اياقتالدى، ءبىراق بۇل زۇلىمدىققا قارسى تۇرۋ بارلىق باعىتتا جالعاسۋدا. بۇل تۋرالى الماتىنىڭ وڭىرلىك كوممۋنيكاسيالار قىزمەتىنىڭ بريفينگىندە "ناركوستوپ" جوباسىنىڭ كۋراتورى نۋرجان جاكۋپوۆ مالىمدەدى، دەپ حابارلايدى اlmaty-akshamy.kz.
ەسىرتكىگە قارسى ايلىقتى وتكىزۋگە 500-گە جۋىق ەرىكتى قاتىسىپ، بارلىعى 4185-تەن استام ەسىرتكى سايتتارىنىڭ جارناماسى بار گراففيتيدى بويادى.
"بۇگىن ءبىز جاستار اراسىندا پروفيلاكتيكالىق جۇمىستى كۇشەيتۋ جانە ەسىرتكىگە بايلانىستى پروبلەمالار تۋرالى حاباردارلىقتى ارتتىرۋ ماقساتىندا وتكىزىلگەن ەسىرتكىگە قارسى ايلىقتى قورىتىندىلايمىز. بيىلعى جىل ءبىز ءۇشىن ەرەكشە، سەبەبى ءبىز پروفيلاكتيكالىق جۇمىستا تۇلعانىڭ ەسىرتكىگە دەيىن قانداي بولعانىنا باسا نازار اۋداردىق. بۇل - ادامنىڭ ءالى ەسىرتكىگە ۇشىراماعان، ءبىراق پسيحولوگيالىق جاي-كۇيى، وتباسىلىق احۋالى، الەۋمەتتىك ورتاسى جانە ت.ب. سياقتى ءتۇرلى فاكتورلارعا بايلانىستى تاۋەكەل توبىندا بولۋى مۇمكىن كەزەڭى"، - دەدى نۇرجان جاكۋپوۆ.
وكق سپيكەرى بۇگىنگى تاڭدا مەملەكەتتىك الدىن الۋ ساياساتى تاۋەلدى ادامدارمەن جۇمىس جاساۋعا باسىمدىلىق قويدى دەپ سانايدى.
"تيىمدىرەك جۇمىس - تاۋەكەل توبىمەن جۇمىس ىستەۋ. بيىل ءبىز ءوزىمىز ءۇشىن وسى جۇمىسقا باسا نازار اۋدارۋدى تاڭدادىق. ءبىر ايدىڭ ىشىندە ءبىز وسىنداي جاستاردى ەرتە انىقتاۋعا جانە قولداۋعا باعىتتالعان ءبىرقاتار ءىس-شارالار وتكىزدىك. مەكتەپتەر مەن جوعارى وقۋ ورىندارىندا دارىستەر مەن ترەنينگتەر ۇيىمداستىرىلدى، وندا ماماندار ءوزىن-وزى رەتتەۋ تەتىكتەرى جانە ەسىرتكىگە تاۋەلدىلىكتىڭ الدىن الۋ جولدارى تۋرالى اڭگىمەلەدى. ءبىز جەكە كونسۋلتاسيالار مەن توپتىق ساباقتار وتكىزگەن پسيحولوگتارمەن، الەۋمەتتىك قىزمەتكەرلەرمەن جانە ەرىكتىلەرمەن بەلسەندى جۇمىس ىستەدىك"، - دەدى ن.جاكۋپوۆ.
جاسوسپىرىمدەر جانە جاستارمەن جۇمىس ىستەۋدە جاڭا ادىستەر ەنگىزۋ ماڭىزدى ساتتەردىڭ ءبىرى بورلدى، بۇل ولاردىڭ پسيحولوگيالىق تۇراقتىلىعىن نىعايتۋعا جانە سالاۋاتتى ءومىر سالتىن قالىپتاستىرۋعا باعىتتالدى.
"ءبىز جاستارعا ءوز تالانتتارىن دامىتۋعا كومەكتەسەتىن سپورتتىق ءىس - شارالاردى، شىعارماشىلىق شەبەرلىك پەن كوماندالىق ويىنداردى قامتيتىن باعدارلامالاردى ازىرلەدىك جانە ىسكە اسىردىق"، - دەپ اتاپ ءوتتى نۇرجان جاكۋپوۆ.
سونىمەن قاتار، ايلىق اياسىندا اتا-انالارمەن جانە پەداگوگتارمەن جۇمىس جانداندىرىلدى. سەمينارلار مەن ۆەبينارلار وتكىزىلدى، وندا ەسىرتكىگە بەيىمدىلىك بەلگىلەرىن ەرتە انىقتاۋدىڭ ماڭىزدىلىعى جانە جاستارمەن ءتيىمدى قارىم-قاتىناس جاساۋ ادىستەرى تالقىلاندى.
سونداي-اق الەۋمەتتىك جەلىدە ەسىرتكىنىڭ زيانى جانە الدىن الۋ جولدارى تۋرالى حاباردارلىقتى ارتتىرۋعا باعىتتالعان اقپاراتتىق جۇمىس باستالدى.
"ءبىز ءاربىر جاس قاجەت بولعان جاعدايدا كومەك پەن قولداۋدى قايدان الۋعا بولاتىنىن بىلەتىندەي ەتۋگە تىرىسامىز"، - دەپ ءتۇسىندىردى ول.
ونىڭ ايتۋىنشا، بۇل جۇمىستاعى ەڭ ءتيىمدى قۇرال - ناسيحاتتاۋ جۇمىسى.
"مەن وسى ايلىققا قاتىسقانداردىڭ بارلىعىنا: پەداگوگتارعا، پسيحولوگتارعا، ەرىكتىلەرگە، قۇقىق قورعاۋ ورگاندارىنىڭ قىزمەتكەرلەرىنە جانە، ارينە، سىزدەرگە، ب ا ق وكىلدەرىنە، ءبىزدىڭ جۇمىسىمىزدى قولداعانىڭىز جانە جاريالاعانىڭىز ءۇشىن العىس بىلدىرگىم كەلەدى"، - دەپ تۇيىندەدى نۇرجان جاكۋپوۆ.