الماتىدا ءال-فارابي داڭعىلىنان رىسقۇلوۆ داڭعىلىنا دەيىنگى ەسەنتاي وزەنى بويىنداعى اۋماقتى كورىكتەندىرۋ، ونىڭ ىشىندە جاعالاۋدى كوركەيتۋ بويىنشا جوبالىق-سمەتالىق قۇجاتتاما (جسق) ازىرلەنىپ جاتىر. قۇجات 2025 جىلى شىلدەدە مەملەكەتتىك ساراپتامادان وتپەك.
جوبا بويىنشا 43،2 گەكتار اۋماق كوركەيتىلەدى، ءقازىردىڭ وزىندە جالپى ۇزىندىعى 7،22 شاقىرىمدىق ايماق كورىكتەندىرىلگەن. جوبانىڭ ماقساتى - زاماناۋي، ىڭعايلى ءارى ۇيلەسىمدى دەمالىس ايماعىن قۇرۋ ءارى سۋعا شومىلىپ، جاعالاۋ بويىمەن ەركىن تىنىستاۋ. تۇرلەنگەن جاعالاۋ تۇرعىندار مەن قوناقتار ءۇشىن تابيعي جانە قالالىق لاندشافتتىڭ ءبىر بولىگىنە ءارى تارتىمدى دەمالىس ورنىنا اينالادى.
جوبانىڭ نەگىزگى ەرەكشەلىكتەرىنىڭ ءبىرى - فۋنكسيونالدى ايماقتارعا ءبولۋ. ياعني، وزەن بويىمەن جەتى بىرەگەي كەڭىستىكتى قۇرۋ جوسپارلانعان، ولاردىڭ ءارقايسىسىنىڭ وزىندىك تۇجىرىمداماسى بولادى:
* ءال-فارابي داڭعىلىنان تيميريازيەۆ كوشەسىنە دەيىنگى جاستار ايماعى.
* تيميريازيەۆ كوشەسىنەن بۇقار جىراۋ بۋلۆارىنا دەيىن ستۋدەنتتىك ايماق
* بۇقار جىراۋ بۋلۆارىنان اباي كوشەسىنە دەيىن بەلسەندى ايماق.
* اباي كوشەسىنەن قۇرمانعازى كوشەسىنە دەيىن مادەني ايماق.
* قۇرمانعازى كوشەسىنەن جامبىل كوشەسىنە دەيىن تارتىمدى دەمالىس ايماعى.
* جامبىل كوشەسىنەن قاراساي باتىر كوشەسىنە دەيىن تاعى دا جاستار ايماعى.
* قاراساي باتىر كوشەسىنەن رىسقۇلوۆ داڭعىلىنا دەيىنگى تارتىمدى دەمالىس ايماعى.
جوبا اياسىندا بەلسەندى دەمالىس ورىندارى مەن سپورتتىق ءىس-شارالاردان باستاپ، ەركىن سەرۋەندەيتىن، كەزدەسۋلەر مەن مادەني ءىس-شارالار وتكىزەتىن ءتۇرلى قوعامدىق كەڭىستىكتەر قۇرۋ جوسپارلانىپ وتىر.
جوبانىڭ ورىندالۋ بارىسى الداعى ۋاقىتتا تاعى دا حابارلانادى.