الماتىدا ەسەنتاي جانە ۇلكەن الماتى وزەندەرى تازارتىلادى جانە اباتتاندىرىلادى

بۇگىن الماتى اكىمى بوستاندىق اۋدانى تۇرعىندارىمەن كەزدەستى.

جيىندا قالا تۇرعىندارى وزدەرىن تولعاندىرعان ساۋالدارىن قالا باسشىلىعىنا قويدى، دەپ حابارلايدى Almaty-akshamy.kz.

تۇرعىننىڭ سۇراعى: 
- ەسەنتاي وزەنىن تازالاۋ جانە اباتتاندىرۋ قاشان جۇرگىزىلەدى؟

بوستاندىق اۋدانىنىڭ اكىمى التاي راحىمبەتوۆتىڭ جاۋابى:
- ەسەنتاي وزەنى وتكەن جىلدىڭ قازان ايىندا عانا قالا بالانسىنا بەرىلدى، بۇرىن ول "قازسەلدەنقورعاۋ" بالانسىندا بولعان. قازان ايىندا بىردەن ەكولوگيا جانە قورشاعان ورتانى قورعاۋ باسقارماسى ءتيىستى ءوتىنىم بەردى. 

الماتى قالاسى ەكولوگيا جانە قورشاعان ورتانى قورعاۋ باسقارماسىنىڭ باسشىسى سەرىك ادىلبايەۆتىڭ جاۋابى:
- بيىل ەسەنتاي جانە ۇلكەن الماتى وزەندەرىنىڭ تۇبىنە تازارتۋ جۇرگىزىلەدى. مەردىگەر انىقتالدى، كەلەسى اپتادا جۇمىس باستالادى. 

الماتى قالاسىنىڭ اكىمى ەربولات دوسايەۆتىڭ جاۋابى:
- ال-فارابيدەن جوعارى ەسەنتاي بويىنشا اۋماق اباتتاندىرىلعان، ال ال-فارابيدەن تومەن جاعى سول بويىندا قالعان. ەندى ءبىز وزەندى اباي داڭعىلىنا دەيىن اباتتاندىرۋ جوباسىن دايىنداپ جاتىرمىز، سوندىقتان قالانىڭ تومەنگى بولىگىنىڭ تۇرعىندارى جوعارعى بولىگىندەي وزدەرىن جايلى سەزىنەتىن بولادى. 
ۇلكەن الماتى وزەنىنىڭ جاعالاۋى تۇڭعىش پرەزيدەنت ساياباعىنان باستاپ سايرانعا دەيىن تولىق اباتتاندىرىلادى، جالپى ۇزىندىعى - 7،1 كم. وتكەن جىلى قۇجاتتاردى دايىنداۋعا  ءبىر جىلعا جۋىق ۋاقىت كەتتى. ءقازىر قۇجاتتار بار، كونكۋرستىق راسىمدەر جۇرگىزىلۋدە، بيۋدجەتتەن اقشا  قاراستىرىلۋدا. جۇمىس باستالدى. مىسالى، وزدەرىڭىز بىسىزدەر، سايران كولى 50 جىلدان استام ۋاقىت بويى تازارتىلماعان. ءبىز بيىل ونى   العاش رەت تازارتىپ، رەكونسترۋكسيا جۇرگىزەتىن بولامىز.