السەروۆتار جۇبىنىڭ وتاۋ قۇرعاندارىنا 14 جىل بولدى.
ولار قىزمەتتە تانىستى. وتاعاسى – اسلان جقاج-دا، ارايلىم – بوستاندىق اۋداندىق پوليسيا باسقارماسىندا قىزمەت ەتەدى. بۇگىندە ولار جەتى بالانىڭ اتا-اناسى.
– ءبىز اسلاننىڭ اتا-اناسىنىڭ قولداۋىمەن بالالاردى تاربيەلەۋ مەن پوليسيا قىزمەتكەرى بولىپ جۇمىس ىستەۋدى ۇشتاستىرىپ وتىرمىز. وسى ءۇشىن ولارعا ۇلكەن راقمەت. بالالار – ءبىزدىڭ ماقتانىشىمىز. ولار وقۋدا، سپورتتا، شىعارماشىلىقتا جەتىستىككە جەتۋدە. ايتپاقشى، بۇكىل وتباسىمىزبەن سپورتپەن اينالىسامىز – بۇل ءبىزدى بىرىكتىرەدى، – دەدى ارايلىم السەروۆا.
اسلان مەن ارايلىم قىزمەتتە جاقسى بەدەلگە يە: ولاردىڭ ادال قىزمەتى جاس پوليسەيلەرگە ۇلگى. السەروۆتار جانۇياسى ۇلگىلى وتباسى رەتىندە دە كوپكە ۇلگى.
– ءبىز انتىمىزعا ادال، ماماندىعىمىزعا بەرىكپىز. پوليسيا فورماسىن كيىپ، ازاماتتاردىڭ قاۋىپسىزدىگىن ساقتاۋ ءبىز ءۇشىن ۇلكەن ماقتانىش، – دەپ تۇيىندەدى، كوپبالالى انا.
اقپارات كوزى Polisia.kz سايتىندا: https://polisia.kz/almatyda-erli-zajypty-tartip-saqshylary-7-balany-tarbielep-otyr/