بىتىمگەرلىك وپەراسيالار ورتالىعىندا ەلىمىزدىڭ قورعانىس، توتەنشە جاعدايلار مينيسترلىكتەرى مەن ۇلتتىق ۇلاننىڭ، سونداي-اق گەرمانيا، يوردانيا، جۇڭگو، تۋنيس، تۇركيا جانە فرانسيا قارۋلى كۇشتەرىنىڭ اسكەري قىزمەتشىلەرى بۇۇ-نىڭ «بەيبىت تۇرعىنداردى كەشەندى قورعاۋ» حالىقارالىق سەرتيفيكاتتالعان كۋرسىنان ءوتىپ جاتىر، دەپ حابارلايدى Almaty-akshamy.kz قورعانىس مينيسترلىگىنە سىلتەمە جاساپ.
ساباقتار پرەزەنتاسيالىق تۇردە، ءارى بەينەماتەريالداردى قولدانۋ ارقىلى اعىلشىن تىلىندە وتۋدە. وندا تىڭداۋشىلاردى بۇۇ بىتىمگەرلىك وپەراسيالارىنداعى بەيبىت تۇرعىنداردى قورعاۋ تۇجىرىمداماسىنىڭ نەگىزگى ەرەجەلەرىمەن تانىستىرىپ، الەۋمەتتىك وسال توپتاردىڭ قاۋىپسىزدىگىن جوسپارلاۋ، ۇيىمداستىرۋ جانە قامتاماسىز ەتۋ كەزىندەگى جۇمىس تارتىبىنە تۇسىنىكتەمەلەر بەرەدى.
– قارۋلى قاقتىعىستاردا بەيبىت تۇرعىندار اراسىنان دا قۇربان بولاتىندار از ەمەس. سوندىقتان بۇۇ قاۋىپسىزدىك كەڭەسى بۇۇ ميسسيالارىنا قاتىسۋدى جوسپارلاپ وتىرعاندار ءۇشىن ءوتۋى قاجەت وسى وقىتۋ كۋرسىن ەنگىزدى، – دەپ ءتۇسىندىردى كۋرس جەتەكشىسى - ورتالىقتىڭ بىتىمگەرلىك دايىندىق باسقارماسىنىڭ وفيسەرى مايور سەرىك جۇمابەكوۆ.
دايىندىق بارىسىندا ورتالىق نۇسقاۋشىلارى مەن بۇۇ قۇرىلىمدارىنىڭ ماماندارى ارالاس سەنارييلەر ارقىلى ماسەلەلەردى شەشۋدى پىسىقتايدى. ولار سونىمەن بىرگە توپ قۇرامىندا ءارتۇرلى جاعدايلاردا تۋىندايتىن پروبلەمالىق ماسەلەلەردى تالقىلاپ، سودان كەيىن پلەنارلىق وتىرىستاردا ولاردى شەشۋ جولدارىن قاراستىرادى.
– بىتىمگەرلەر كوبىنەسە قاتال كليماتتىق جاعدايلاردا جانە شەكتەۋلى رەسۋرستار شەڭبەرىندە بەيبىت تۇرعىنداردى قورعاۋدى قامتاماسىز ەتەدى، – دەپ اتاپ ءوتتى بۇۇ-نىڭ ەكى ميسسياسىندا جۇمىس تاجىريبەسى بار جەكە دايىندىق قىزمەتىنىڭ باستىعى مايور ارمان تاستانبەكوۆ. – سونىمەن قاتار تەز وزگەرەتىن ورتادا قاۋىپسىزدىك تۇرعىسىنان تاۋەكەلدەر پايدا بولادى. ءبىز مۇنىڭ ءبارىن ءبىلىم الۋشىلارعا جەتكىزەمىز.
ساباق بارىسىندا تىڭداۋشىلار قارۋلى قاقتىعىستارداعى ادام قۇقىقتارىنىڭ بۇزىلۋ تۇرلەرىمەن تانىسىپ، گۋمانيتارلىق كومەك كورسەتۋ ءۇشىن قولايلى جاعدايلار جاساۋ اسپەكتىلەرىن، سونداي-اق كۇش-قۋات قورعانىسىن قامتاماسىز ەتۋ جانە ازاماتتاردىڭ ءتۇرلى زورلىق-زومبىلىق تۇرلەرىنەن قورعاۋ قاعيداتتارىن زەردەلەيدى