المالى اۋدانىنىنىڭ كوميۋنيتي ورتالىعىندا «Qamqor Charity» قوعامدىق قورى رەسپۋبليكالىق قان ورتالىعىمەن بىرلەسىپ «ءبىر تامشى قان – ءبىر ءومىر» اتتى قايىرىمدىلىق اكسياسىن ۇيىمداستىردى.
ءىس-شارانىڭ باستى ماقساتى – دونورلىق مادەنيەتتى دامىتۋ، ەرىكتى تۇردە قان تاپسىرۋدى ناسيحاتتاۋ جانە ادام ءومىرىن ساقتاۋعا ۇلەس قوسۋ.
اكسياعا قوعامدىق كەڭەس مۇشەلەرى، ەرىكتىلەر، قالا تۇرعىندارى جانە توتەنشە جاعدايلار دەپارتامەنتىنىڭ قىزمەتكەرلەرى قاتىستى. سونىڭ ناتيجەسىندە 200-دەن استام دونور ءوز ەركىمەن قان تاپسىرىپ، ناۋقاستاردىڭ ساۋىعىپ كەتۋىنە ۇلەس قوستى.
«بۇل اكسيانىڭ باستى قۇندىلىعى – قوعامدا دونورلىق مادەنيەتتى قالىپتاستىرۋ. ءاربىر تامشى قان ادام ءومىرىن قۇتقارا الادى. ەرىكتىلەر مەن بەلسەندى ازاماتتاردىڭ مۇنداي باستامالارعا قاتىسۋى ولاردىڭ ازاماتتىق جاۋاپكەرشىلىگى مەن ءوزارا قولداۋدىڭ ايقىن كورىنىسى. الداعى ۋاقىتتا مۇنداي ءىس-شارالاردى تۇراقتى تۇردە وتكىزىپ، مۇقتاج جاندارعا ءۇمىت سىيلاۋدى جالعاستىرامىز»، – دەدى «Qamqor Charity» قورىنىڭ جەتەكشىسى باعدات اناربايەۆا.
ۇيىمداستىرۋشىلاردىڭ ايتۋىنشا، وسىنداي اكسيالار الداعى ۋاقىتتا دا جالعاسىپ، الماتى جاستارى اراسىندا دونورلىق مادەنيەتتى دامىتۋعا سەرپىن بەرمەك.