الماتىدا ەمحانانىڭ بۇرىنعى باس دارىگەرى سوتتالدى

سوت ۇكىمى زاڭدى كۇشىنە ەنگەن جوق.

وعان 79 ملن تەڭگە جىمقىردى دەگەن ايىپ تاعىلعان، دەپ حابارلايدى Almaty-akshamy.kz

الماتى قالاسى مەدەۋ اۋدانىنىڭ №2 اۋداندىق سوتىندا ەمحانا قىزمەتكەرلەرىنە قاتىستى اسا ءىرى مولشەردە جىمقىرۋ ارقىلى بوتەننىڭ مۇلكىن ۇرلادى دەگەن ايىپ بويىنشا قىلمىستىق ءىس قارالدى (قك 189-بابى، 4-بولىگىنىڭ 2 تارماعى بويىنشا).

سوت انىقتادى:

2015 جىلعى ءساۋىر – 2022 جىلعى ناۋرىز ايلارىنىڭ ارالىعىندا ەمحانانىڭ باس دارىگەرى ك. مەملەكەتتىك فۋنكسيالاردى ورىنداۋعا ۋاكىلەتتى تۇلعا بولا وتىرىپ، باس بۋحگالتەر ن. جانە كادرلار ءبولىمىنىڭ ينسپەكتورى س.-مەن الدىن الا قىلمىستىق كەلىسىم ورناتىپ، ءىس جۇزىندە جۇمىس ىستەمەيتىن 19 تۇلعانى قىزمەتكە تاعايىنداۋ تۋرالى بۇيرىقتاردى راسىمدەۋ جونىندەگى ىس-ارەكەتتەرگە باسشىلىق ەتكەن. رەسمي تۇردە راسىمدەلگەن قىزمەتكەرلەردىڭ شوتتارىنا اي سايىن ەڭبەكاقىنى ەسەپتەپ، اۋدارىپ وتىرعان، كەيىننەن ونى ءوز مەنشىگىنە اينالدىرىپ، ءوز قاجەتتىلىكتەرىنە جۇمساعان.

ك.، س.، ن. قۇقىققا قايشى ارەكەتتەرى ارقىلى مەملەكەتكە 79 ملن تەڭگەدەن استام شىعىن كەلتىردى.

سوت ۇكىمى:

سوت جازا تاعايىنداۋ كەزىندە جاسالعان قىلمىستىڭ سيپاتى مەن قوعامدىق قاۋىپتىلىك دارەجەسىن، كىنالىلەردىڭ جەكە باسىن، ونىڭ ىشىندە ولاردىڭ قىلمىس جاساعانعا دەيىنگى جانە ودان كەيىنگى مىنەز قۇلىقتارىن ەسكەردى. سوتتىلىقتىڭ بولماۋى، س.، ن.ء-نىڭ زالالدى ءىشىنارا وتەۋى سەكىلدى جەڭىلدەتەتىن جاعدايلار ەسكەرىلدى.

زالالدى وتەۋ شارالارىن ەسكەرە وتىرىپ، ەكى تۇلعا 7 جىل مەرزىمگە شارتتى تۇردە باس بوستاندىعىنان ايىرىلدى، س.-عا 5 جىل مەرزىمگە ماتەريالدىق-جاۋاپتى لاۋازىمداردى اتقارۋ قۇقىعىنان ايىرۋ تۇرىندە قوسىمشا جازا تاعايىندالدى، ن. 5 جىل مەرزىمگە بۋحگالتەرلىك قىزمەتپەن اينالىسۋ قۇقىعىنان ايىرىلدى.

سوت باس دارىگەر ك.-عا 7 جىل مەرزىمگە باس بوستاندىعىنان ايىرۋ جازاسىن تاعايىندادى، ول ورتا قاۋىپسىزدىك قاج مەكەمەسىندە جازاسىن وتەيتىن بولادى، سونداي-اق مەملەكەتتىك قىزمەتتە قىزمەت اتقارۋ قۇقىعىنان ءومىر بويىنا ايىرىلدى.