الماتىدا ەمحانا مەڭگەرۋشىسى جالعان ۆاكسينا پاسپورتىن ساتقانى ءۇشىن ۇستالدى. قالالىق سىبايلاس جەمقورلىققا قارسى قىزمەتىنىڭ مالىمەتىنشە، ونىڭ قاراماعىنداعىلار مەن دەلدالدار دا ۇستالدى، دەپ حابارلايدى almaty-akshamy.kz
ولار اقشالاي سىياقىعا 100-دەن استام جالعان ۆاكسينا پاسپورتىن جاساپ، ونى ساتتى دەگەن كۇدىككە ءىلىندى. ياعني، مەديسينا قىزمەتكەرلەرى دەنساۋلىق ساقتاۋ مينيسترلىگىنىڭ «ۆاكسينالاۋ» ەلەكتروندى مودۋلىنە جالعان اقپارات ەنگىزگەن. سونىڭ نەگىزىندە «egov.kz» ەلەكتروندى ۇكىمەت پورتالىندا ازاماتتاردىڭ كوروناۆيرۋس ينفەكسياسىنا قارسى ۆاكسينا العانى تۋرالى جالعان ەلەكتروندى پاسپورتتار جاسالعان.
سوتقا دەيىنگى تەرگەۋ جالعاسىپ جاتىر. كۇدىكتىلەرگە قاتىستى سوڭعى شەشىمدى سوت قابىلدايدى.