ونىڭ 115ء-ى قازاقستاننان شىعارىلدى
قالالىق پوليسيا دەپارتامەنتى "ميگرانت" ءىس-شاراسىنىڭ قورىتىندىسىن شىعاردى، دەپ حابارلايدى Almaty-akshamy.kz.
الماتىنىڭ كوشى-قون قىزمەتى، 680 شەتەلدىكتىڭ قازاقستاننىڭ كوشى-قون زاڭناماسىن بۇزعانىن حابارلادى.
20-28 اقپان ارالىعىندا وتكىزىلگەن "ميگرانت" رەسپۋبليكالىق جەدەل-الدىن الۋ ءىس-شاراسى بارىسىندا كوشى-قون زاڭناماسىن بۇزعان 115 شەت مەملەكەتتىڭ ازاماتى قازاقستاننان شىعارىلدى.
"الماتى قالاسىندا كورسەتىلگەن مەرزىمدە، شەتەلدىك جۇمىس كۇشىن تارتۋ ەرەجەلەرىن بۇزۋدىڭ 72 دەرەگى انىقتالدى، شەتەلدىكتەردىڭ قازاقستان رەسپۋبليكاسىنىڭ اۋماعىنا كەلۋ زاڭدىلىعىن قامتاماسىز ەتۋ بويىنشا شارالار قابىلداماعانى ءۇشىن 497 جەكە جانە زاڭدى تۇلعالارعا قاتىستى اكىمشىلىك ءىس تىركەلدى. قابىلداپ-تاراتۋ بولىمىنە جەكە باسىن كۋالاندىراتىن قۇجاتى جوق 634 شەتەلدىك ورنالاستىرىلدى. زاڭسىز كوشى-قون ۇيىمداستىرۋ جانە ەلدەن شىعارۋ تۋرالى سوت شەشىمىن ورىنداماۋ دەرەكتەرى بويىنشا 14 قىلمىستىق ءىس تەرگەلۋدە"، - دەدى الماتى قالالىق پد كوشى-قون قىزمەتى باسقارماسىنىڭ باستىعى اسحات بۋتۋنچينوۆ.