الماتى كوشەلەرىندە جەكە ءموبيلدى كولىكتەر، ونىڭ ىشىندە ەلەكتروساموكاتتاردىڭ تۇراقتارى ءۇشىن ارنايى جول بەلگىلەرى جاسالۋدا. اتالعان شارا قالا اكىمدىگى مەن كيكشەرينگتىك سەرۆيستەردىڭ اراسىندا جاسالعان قولدانىستاعى مەموراندۋم اياسىندا جۇزەگە اسۋدا، دەپ حابارلايدى اlmaty-akshamy.kz.
ءبىرىنشى كەزەڭدە بەلگىلەر دوستىق، اباي، نازاربايەۆ داڭعىلدارى، گوگول كوشەسىنىڭ بويىنا جاسالۋدا. كەيىن قالانىڭ جۇكتەمەسى مەيىلىنشە جوعارى بولىكتەرىن قامتۋ جوسپارلانۋدا. جىل سوڭىنا دەيىن قالا بويىنشا 500 تۇراق جاسالاتىن بولادى.
تۇراق اۋماقتارى اق ءتۇستى بوياۋمەن ساموكات كەسكىنى ارقىلى بەلگىلەنەدى. تۇراق الاڭى شامامەن 4 شارشى مەتردى قۇرايدى، وعان 10-عا جۋىق جالدامالى ساموكات قويۋعا بولادى. ارنايى بەلگىلەردىڭ جاسالۋى قالا تۇرعىندارىنا جالدامالى ساموكاتتاردى جاياۋ جۇرگىنشىلەر مەن كولىكتەرگە كەدەرگى كەلتىرمەيتىن ورىندارعا قالدىرۋعا مۇمكىندىك بەرەدى.
ەسكە سالساق، قالا اكىمدىگى مەن ساموكاتتاردى جالعا بەرۋ قىزمەتىن ۇسىناتىن سەرۆيستەر وپەراتورلارى اراسىندا ءوزارا تۇسىنىستىك پەن سەرىكتەستىك تۋرالى مەموراندۋمعا قول قويىلعان بولاتىن. قۇجات جەكە قوزعالىس قۇرالدارىن پايدالانۋ كەزىندەگى قاۋىپسىزدىكتى قامتاماسىز ەتىپ، اپاتتى جاعدايلاردىڭ الدىن الۋعا باعىتتالعان. قازىرگى كەزدە الماتىدا 15 مىڭعا جۋىق ەلەكتروساموكاتتار جالعا بەرىلەدى جانە كۇنىنە 100 مىڭعا جۋىق قوزعالىس جاساۋعا بولادى.