ولار بازار، ساياباق، ءدامحانا جانە باسقا دا قوعامدىق كەڭىستىكتەر اۋماعىندا ورناتىلماق، دەپ حابارلايدى aqshamnews.kz
قالا اكىمدىگىنىڭ باسپا ءسوز قىزمەتىنىڭ حابارلاۋىنشا، الماتىدا ەلەكتر زاريادتاۋ ستانسيالارىن ورناتۋ ءۇشىن 311 جەر تەلىمى ءبولىندى.
ءار ۋچاسكەدە وتاندىق ينۆەستورلار ەكى پاركومەستكە ەسەپتەلگەن، قۋاتى 60 كۆت-تان باستالاتىن ءبىر قۋاتتاۋ بەكەتىن ورناتادى. جوسپار جۇزەگە اسسا قالادا 622 جاڭا پاركومەستر پايدا بولادى.
اكىمدىك وكىلدەرىنىڭ ەسەبىنە سايكەس، ءبىر ۋچاسكەگە ينۆەستور كەم دەگەندە 10 ملن تەڭگە جۇمسايدى. بۇل رەتتە اككۋمۋلياتورلىق باتارەيانى زاريادتاۋدىڭ 1 كيلوۆاتى 100 تەڭگەدەن اسپايدى.
ۋچاسكەلەر ينۆەستورلارعا 4 جىل مەرزىمگە بەرىلدى.
"قۋاتتاۋ بەكەتىن قالا تۇرعىندارىنىڭ جاپپاي جۇرەتىن بازار، ساياباق، كافە جانە باسقا دا قوعامدىق كەڭىستىك اۋماعىندا ورناتۋ جوسپارلانىپ وتىر.
بارلىق ستانسيا بيىل جىلدىڭ سوڭىنا دەيىن پايدالانۋعا بەرىلەدى.
بۇگىنگى تاڭدا الماتىدا جەكە اۋماقتاردا 300-دەن استام قۋاتتاۋ بەكەتى ورناتىلعان.
ۇلتتىق ستاتيستيكا بيۋروسىنىڭ دەرەكتەرىنە سايكەس، 2025 جىلدىڭ 1 ساۋىرىندە الماتىدا 8 385 ەلەكتروموبيل تىركەلگەن. وتكەن جىلدىڭ سايكەس كەزەڭىمەن سالىستىرعاندا ولاردىڭ سانى 1،5 ەسە ءوستى.