الماتىنىڭ ءىرى ساۋدا بازارلارىنىڭ بىرىندە ادىلەت ورگاندارى جوسپاردان تىس تەكسەرۋلەر جۇرگىزىپ، Xiaomi، Redmi جانە mi سياقتى تاۋار بەلگىلەرىن زاڭسىز پايدالانۋ دەرەكتەرىن انىقتادى، دەپ حابارلايدى aqshamnews.kz ادىلەت مينيسترلىگىنىڭ مالىمەتىنە سىلتەمە جاساپ.
"ءىس-شارالاردىڭ قورىتىندىسى بويىنشا 700-دەن استام كونترافاكتىلىك ءونىم، ونىڭ ىشىندە جالپى سوماسى 5 ميلليون تەڭگەدەن اساتىن ۇيالى تەلەفوندار مەن ءموبيلدى اكسەسسۋارلار"، - دەلىنگەن حابارلامادا.
تەكسەرىس Xiaomi Inc كومپانياسىنىڭ وكىلىنىڭ مالىمدەمەسى نەگىزىندە جۇرگىزىلگەن.
"كونترافاكتىلىك ءونىمدى وتكىزۋ تۇتىنۋشىلاردىڭ سەنىمىنە نۇقسان كەلتىرىپ قانا قويماي، زاڭدى بيزنەسكە نۇقسان كەلتىرەدى، قۇقىق يەلەنۋشىلەردىڭ قۇقىقتارىن بۇزادى جانە قازاقستان رەسپۋبليكاسىنىڭ زاڭناماسىندا كوزدەلگەن جاۋاپتىلىققا اكەپ سوعادى. زياتكەرلىك مەنشىكتى قورعاۋ-ەكونوميكاداعى قۇقىقتىق ءتارتىپتى قامتاماسىز ەتۋدىڭ نەگىزگى باعىتتارىنىڭ ءبىرى".
قازىرگى ۋاقىتتا ق ر اقبتك-نىڭ 158-بابى بويىنشا كىنالى ادامدى اكىمشىلىك جاۋاپكەرشىلىككە تارتۋ بويىنشا ءىس جۇرگىزۋ شارالارى قابىلدانىپ جاتىر. ءىس ماتەريالدارى كىنالى ادامدى جاۋاپقا تارتۋ ءۇشىن سوتقا بەرىلەدى.