الماتىدا ەلەكتر جەلىلەرىن دامىتۋ جوسپارى ازىرلەندى

الماتى قالاسىنىڭ 2030 جىلعا دەيىنگى «ەلەكتر جەلىلەرىن دامىتۋ جوسپارى» ازىرلەندى، دەپ حابارلايدى aqshamnews.kz.

 بۇل تۋرالى الماتى قالاسى ءماسليحاتىنىڭ كەزەكتى سەسسياسىندا ەنەرگەتيكا جانە سۋمەن جابدىقتاۋ باسقارماسى باسشىسىنىڭ مىندەتىن اتقارۋشى نۇرباقىت سەرىكباي حابارلادى. قۇجات ەلەكترمەن جابدىقتاۋ سەنىمدىلىگىن ارتتىرۋعا، ەنەرگيا ساپاسىن جاقسارتۋعا جانە قالانىڭ ەنەرگەتيكالىق ينفراقۇرىلىمىن دامىتۋعا باعىتتالعان.

ەلەكتر جەلىلەرىن دامىتۋ جوسپارى ەنەرگەتيكالىق ينفراقۇرىلىم نىساندارىن جاڭعىرتۋ جانە سالۋ باعدارلاماسىن قامتيدى، ول 2030 جىلعا دەيىنگى كەزەڭدى، ال بولاشاقتا 2040 جىلعا دەيىنگى دامۋ پەرسپەكتيۆاسىن كوزدەيدى. قۇجاتتى ازىرلەۋ بارىسىندا قالانىڭ ەنەرگيا جۇيەسىنىڭ دامۋ بولجامى جاسالدى، بۇل الداعى ونجىلدىقتا قاجەتتى رەسۋرستاردى ءتيىمدى جوسپارلاۋعا مۇمكىندىك بەرەدى.

الماتىنىڭ ەنەرگەتيكا سالاسىن تالداۋ شۇعىل شەشىمدى قاجەت ەتەتىن ءبىرقاتار وزەكتى ماسەلەلەر مەن ەرەكشەلىكتەردى انىقتادى. اتاپ ايتقاندا، 2030 جىلعا قاراي مەگاپوليستىڭ تۇتىنۋ قۋاتى 468 مۆت-قا (48%-عا) ءوسىپ، 1450 مۆت-تى قۇرايدى دەپ كۇتىلۋدە.

اتالعان دەرەكتەردى ەسكەرە وتىرىپ، جوسپاردا نەگىزگى مىندەتتەر قاراستىرىلعان: جاڭا قوسالقى ستانسيالاردى سالۋ، ەلەكتر جەلىلەرىن قايتا قۇرۋ جانە جاڭعىرتۋ، اۋە جەلىلەرىن كابەلدىك جەلىلەرگە اۋىستىرۋ، جاڭا تاراتۋ پۋنكتتەرىن ورناتۋ جانە ەلەكتر بەرۋ جەلىلەرىن اۋىستىرۋ، سونداي-اق جاڭا تۇتىنۋشىلاردى قوسۋ شەكتەۋلەرىن جويۋ.

وسى ءىس-شارالاردى ىسكە اسىرۋ ەلەكترمەن جابدىقتاۋدىڭ سەنىمدىلىگىن ايتارلىقتاي ارتتىرىپ، تۇتىنۋشىلار ءۇشىن ەلەكتر ەنەرگياسىنىڭ ساپاسىن جاقسارتادى جانە جاڭا نىسانداردى قوسۋ مۇمكىندىكتەرىن جاسايدى.