الماتىدا ەكولوگيانى جاقسارتۋ بويىنشا كەشەندى شارالار قابىلدانۋدا

الماتىدا ەكولوگيانى جاقسارتۋ بويىنشا كەشەندى شارالار قابىلدانۋدا

مەگاپوليس اكىمى باقىتجان ساعىنتايەۆ ق ر پرەزيدەنتى جانىنداعى ورتالىق كوممۋنيكاسيالار قىزمەتىندە وتكەن باسپا ءسوز كونفەرەنسياسىندا ەكولوگيانى جاقسارتۋ جانە قوعامدىق كەڭىستىكتەردى اباتتاندىرۋ شارالارى تۋرالى ايتتى، دەپ حابارلادى Almaty-akshamy.kz.

وتكەن ەكى جىل ىشىندە 72 قوعامدىق كەڭىستىك اباتتاندىرىلدى. بيىل قالانىڭ بارلىق اۋداندارىنداعى 23 كەڭىستىكتە جۇمىستار جۇرۋدە. سايران كولىن اباتتاندىرۋ جوباسى جاسالۋدا.

مەملەكەت باسشىسىنىڭ تاپسىرماسى بويىنشا جەو-ىن گازعا كوشىرۋ جوباسى جۇزەگە اسىرىلۋدا. قۇرىلىس-مونتاج جۇمىستارى 2022 جىلى باستالىپ، 2025 جىلى اياقتالاتىن بولادى.

ەكومونيتورينگ جۇيەسىن دامىتۋ اياسىندا 9 ەكوپوست ورناتىلۋدا، جىل سوڭىنا دەيىن تاعى 10-ى كەزەڭ-كەزەڭىمەن جۇمىس ىستەي باستايدى.

ەكىنشى جىل قاتارىنان 3 جىلدا 1 ميلليون اعاش وتىرعىزۋ بويىنشا «جاسىل الماتى» باعدارلاماسى جۇزەگە اسىرىلۋدا. ءقازىردىڭ وزىندە 480 مىڭ ءتۇرلى اعاش كوشەتتەرى وتىرعىزىلدى. جىل سوڭىنا دەيىن 300 مىڭنان استام جاس اعاش وتىرعىزۋ جوسپارلانۋدا.

ءار اعاشقا ەلەكتروندىق پاسپورت جاسالىپ، جاسىل جەلەكتەردىڭ رەەسترى قۇرىلدى. جۇيە جالپىعا قولجەتىمدى بولادى.

اعىمداعى جىلى ءبىز اعاش وتىرعىزۋعا جانە كەسۋگە رۇقسات بەرۋ پروسەسىن اۆتوماتتاندىرامىز.

ەكولوگيالىق ماسەلەلەر بويىنشا ازاماتتىق قوعاممەن ءوزارا بايلانىس ورناتىلدى. ىسكەرلىك كەڭەس اياسىندا جۇمىس توبى قۇرىلىپ، ونىڭ قۇرامىنا ەكولوگتار، ساراپشىلار جانە بەلسەندىلەر ەندى.