الماتىدا ەرەكشە قاجەتتىلىگى بار بالالار پلاستيكتەن جاڭا جىلدىق ويىنشىقتار جاساۋدا
جالپى رەسپۋبليكالىق «تازا قازاقستان» باعدارلاماسى اياسىندا الماتىدا 28 قاراشادان باستاپ ەرەكشە ەكولوگيالىق باستاما – «ەكولوگياداعى ينكليۋزيا – جاڭا جىلدىق عاجايىپ» جوباسى جۇزەگە اسىرىلۋدا. اكسيا اياسىندا قالا تۇرعىندارى مەن كومپانيالار قايتا وڭدەلگەن پلاستيكتەن جاسالعان شىرشا ويىنشىقتارى مەن جاڭا جىلدىق اشەكەيلەردى ساتىپ الا الادى. بۇل ونىمدەردى ەرەكشە قاجەتتىلىكتەرى بار بالالار جاساعان، دەپ حابارلايدى aqshamnews.kz
جوباعا ءقازىردىڭ وزىندە بولات وتەمۇراتوۆ قورى، رامس كومپانياسى، ەۋرازيالىق بانك، المالى حولدينگى جانە باسقا دا قوعامدىق قورلار مەن كومپانيالار قاتىسۋدا. بارلىق ويىنشىق ەكو-ترەنەرلەردىڭ جەتەكشىلىگىمەن شىعارماشىلىق شەبەرلىك دارىستەرىندە جاسالادى. بالالار ماتەريالدارمەن جۇمىس ىستەۋدى عانا ەمەس، سونىمەن قاتار ەكولوگيالىق مادەنيەتتى قالىپتاستىرۋعا ۇلەس قوسادى.
جوبانىڭ باستاماشىسى ەۆگەنيي مۇحامەدجانوۆ:
«بالالارعا مەرەكەنىڭ ماڭىزدى بولىگى ەكەنىن سەزىنۋگە مۇمكىندىك بەرگىمىز كەلەدى. ولاردىڭ ەڭبەگى باعالانادى، ءوز قولىمەن كەرەمەت نارسە جاساي الاتىنىنا سەنەدى. ەگەر بالا ءوزىنىڭ ويىنشىعىن قالاداعى شىرشادان نەمەسە دۇكەن سورەسىنەن كورسە، بۇل وعان ۇلكەن شابىت پەن قۋانىش سىيلايدى».
مۇشە كومپانيالار كەڭسەلەرىنە، سورەلەرىنە نەمەسە جاڭا جىلدىق كورپوراتيۆتىك سىيلىقتارىن بەزەندىرۋ ءۇشىن ەرەكشە اشەكەيلەرگە تاپسىرىس بەرە الادى. ەكو-حاب كەز كەلگەن ادامدى اكسياعا قوسىلۋعا شاقىرادى، ال مەرەكە اياقتالعان سوڭ ويىنشىقتاردى قايتا وڭدەۋگە وتكىزۋگە بولادى، وسىلايشا ماتەريالدى پايداعا اسىرۋعا بولادى.
ەسكە سالايىق، مەملەكەت باسشىسىنىڭ باستاماسىمەن قولعا الىنعان «تازا قازاقستان» رەسپۋبليكالىق باعدارلاماسى ەلدى مەكەندەر اۋماعىن كورىكتەندىرۋگە جانە كوگالداندىرۋعا باعىتتالعان. باعدارلامانىڭ باستى ماقساتى – تابيعاتقا ۇقىپتى قاراۋ قۇندىلىعىن قالىپتاستىرۋ، ازاماتتىق جاۋاپكەرشىلىكتى ارتتىرۋ جانە حالىقتىڭ ەكولوگيالىق مادەنيەتىن دامىتۋ.
تولىق اقپارات الۋ جانە تاپسىرىس بەرۋ ءۇشىن ەكو-حابقا حابارلاسىڭىز: مەكەنجايى: ماركوۆ كوشەسى، 44 تەلەفون: +7 707 358 9992.