بۇل 2025 جىلعا قاراي لاستاۋشى زاتتار شىعارىندىلارىن 80% پايىزعا تومەندەتۋگە مۇمكىندىك بەرەدى - مينيستر.
2030 جىلعا دەيىن اۋانى لاستايتىن ونەركاسىپ شىعارىندىسى 9،1% پايىزعا تومەندەتۋ جوسپارلانعان. بۇل تۋرالى ۇكىمەت وتىرىسىندا ق ر ەكولوگيا، گەولوگيا جانە تابيعي رەسۋرستار ءمينيسترى سەرىكقالي برەكەشيەۆ ايتتى، دەپ حابارلايدى Almaty-akshamy.kz قازاقپاراتقا سىلتەمە جاساپ.
ءمينيستردىڭ ايتۋىنشا، «جاسىل قازاقستان» ۇلتتىق جوباسىن ىسكە اسىرۋعا 89،3 ملرد تەڭگە، ونىڭ ىشىندە رەسپۋبليكالىق بيۋدجەتتەن 27،6 ملرد، جەرگىلىكتى بيۋدجەتتەن 15 ملرد جانە بيۋدجەتتەن تىس 46،7 ملرد تەڭگە كوزدەلگەن. ال بيىل ۇلتتىق جوبا شارالارىن ىسكە اسىرۋعا 160،9 ملرد تەڭگە جوسپارلانعان.
«اتموسفەرالىق اۋا ساپاسىن جاقسارتۋ» بويىنشا بەس جىلدا 10 ءىرى قالادا 16 ءىرى كاسىپورىننىڭ شىعارىندىسى 20% پايىزعا قىسقارتۋ كوزدەلىپ وتىر. بىلتىر 16 كاسىپورىن اتموسفەرالىق اۋاعا 655 مىڭ توننا لاستاۋشى زات شىعاردى، بۇل 803،8 مىڭ توننا ليميت كەزىندە 2020 جىلعى دەڭگەيدەن 3% پايىزعا تومەن. بيىلعى 6 ايدا كاسىپورىنداردىڭ ەميسسيالارى 293،2 مىڭ توننا بولدى، بۇل وتكەن جىلعى كەزەڭنەن 6،7% پايىزعا تومەن. بۇل كورسەتكىشكە تابيعاتى قورعاۋ شارالارىمەن قاتار ونەركاسىپتى مودەرنيزاسيالاۋ ەسەبىنەن قول جەتكىزىلدى. ول ءۇشىن كاسىپورىندار ءوز قارجىسىنان 15،4 ملرد تەڭگە ءبولدى»، - دەدى ەكولوگيا ءمينيسترى.
مىسالى، «ارسەلورميتتال تەمىرتاۋ» اق شاڭ تازالاۋ جابدىقتارىن جاڭارتىپ، قازاندىق اگرەگاتتارىنىڭ ەلەكتر سۇزگىلەرىنە جوندەۋ جۇرگىزگەن. بۇل شىعارىندىنى 1،1 مىڭ تونناعا ازايتۋعا مۇمكىندىك بەردى. اكتاستى ۇساقتاۋ كورپۋسىنىڭ شاڭ تازالايتىن جابدىقتارىن قايتا قۇرۋ جانە ەلەكتر سۇزگىلەرىن ورناتۋ ارقىلى اگلومەراتتى جەنتەكتەۋ ايماعىنىڭ گاز جولىن قايتا جاڭارتۋ جۇمىستارى بيىل اياقتالادى. جالپى، كاسىپورىن بويىنشا 2025 جىلعا 30% پايىزعا تومەندەتۋ جوسپارلانىپ وتىر.
«الماتىدا ەكىنشى جىلۋ ەلەكتر ورتىلىعىن (تەس-2) گازعا اۋىستىرۋ جوسپارلانعان، بۇل 2025 جىلعا قاراي لاستاۋشى زاتتار شىعارىندىلارىن 80% پايىزعا تومەندەتۋگە مۇمكىندىك بەرەدى. اتىراۋ مۇناي وڭدەۋ زاۋىتىندا كاتاليتيكالىق كرەكينگتىڭ ءتۇتىن گازىن تازالاۋ جانە وتىن گازىن امين قىشقىلىمەن تازارتۋ جۇمىستارى جۇرگىزىلۋدە. بۇل لاستاۋشى زاتتاردىڭ شىعارىندىلارىن 3،6% پايىزعا تومەندەتۋگە مۇمكىندىك بەرەدى. جالپى 2030 جىلعا دەيىن 9،1% پايىزعا تومەندەتىلمەك»، - دەدى سەرىكقالي برەكەشيەۆ.