الماتىدا ەكى ۇرلىق بەينەكامەرا كومەگىمەن انىقتالدى

ءبىرىنشى جاعدايدا جانارماي قۇيۋ بەكەتتەرىنىڭ ءبىرىنىڭ اكىمشىسى ارىزبەن جۇگىندى.

ونىڭ ايتۋىنشا، بەلگىسىز بىرەۋ ءوزىن كليەنت رەتىندە كورسەتىپ، جاسىرىن تۇردە ساۋدا-ماتەريالدىق قۇندىلىقتارىن ۇرلاعان. ەكىنشى ارىز – قوعامدىق كولىكتەگى ۇيالى تەلەفون ۇرلىعى تۋرالى. 121-باعىتتاعى قوعامدىق كولىكتە بەلگىسىز بىرەۋ جولاۋشىنىڭ قالتاسىنان ۇيالى تەلەفونىن ۇرلاپ كەتكەن. ەكى قىلمىس تا بەينەباقىلاۋعا ءتۇسىپ قالعان، دەپ حابارلايدى Almaty-akshamy.kz Polisia.kz-كە سىلتەمە جاساپ. 

جەدەل-ىزدەستىرۋ ءىس-شارالارىنىڭ ناتيجەسىندە اتالعان قىلمىستاردى جاسادى دەگەن كۇدىكپەن تەكەلى قالاسىنىڭ تۇرعىنى 21 جاستاعى ا. ەسىمدى ازامات جانە الماتى قالاسىنىڭ تۇرعىنى 27 جاستاعى  ا. ەسىمدى ازامات ۇستالدى.

«ەكى كۇدىكتىگە قاتىستى ق ر قك-نىڭ 188-بابى 1-بولىگى (ۇرلىق) بويىنشا قىلمىستىق ءىس تىركەلدى. ۇستالعاندار ءوز قىلمىستارىن مويىندادى»، – دەدى جەتىسۋ اۋداندىق پوليسيا باسقارماسىنىڭ باستىعى جانىبەك شىناسىلوۆ.

ق ر قك-نىڭ 201 بابىنا سايكەس وزگە اقپارات تەرگەۋ مۇددەسىنە وراي جاريا ەتىلمەيدى. ق ر كونستيتۋسياسىنىڭ 77 بابى 3ء-بولىمى، 1-تارماعى، ق ر قك-نىڭ 19-بابى 1-تارماعىنا ساي كەز كەلگەن ازامات سوت شەشىمى زاڭدى كۇشىنە ەنگەنگە دەيىن كىناسىز دەپ سانالادى.