كارديولوگيا جانە ىشكى اۋرۋلار عىلىمي-زەرتتەۋ ينستيتۋتىندا CRT-P Amvia Sky قۇرىلعىسىن ورناتۋمەن جۇرەكتى فيزيولوگيالىق ستيمۋلياسيالاۋ بويىنشا ماستەر-كلاسس ءوتتى. ول ستاندارتتى كارديوستيمۋلياتورلاردان ەڭ الدىمەن جۇرەك ىرعاعى وزگەرگىشتىگى بارىنشا فيزيولوگيالىق ىرعاققا جاقىن بولۋىمەن ەرەكشەلەنەدى.
ستيمۋلياسيا الگوريتمى فيزيكالىق ءارى پسيحوەموسيونالدىق جۇكتەمەگە جاۋاپ بەرىپ، ءومىر ساپاسىن جاقسارتۋعا جانە قولايسىزدىقتىڭ بولماۋىنا ىقپال ەتەدى. وپەراسيا جەرگىلىكتى انەستەزيامەن جاسالدى.
ەكى ناۋقاسقا جاسالعان وپەراسيانى اريتمولوگيا قىزمەتىنىڭ اعا ورديناتورى اسىلحان پاريمبەكوۆ پروفەسسور Krzysztof Boczar، MD، PhD (كراكوۆ، پولشا) قاتىسۋىمەن جۇرگىزدى. بۇل – قارىنشالاردىڭ جيىرىلۋ سينحروندىلىعى بۇزىلعان، جۇرەك قىزمەتى جەتكىلىكسىزدىگى، سول جاق قارىنشانىڭ جيىرىلۋ فراكسياسى تومەندەگەن، AV-بلوكادادان كەيىنگى، جۇرەكشەلەر ابلياسياسىن جانە كارديوحيرۋرگيالىق ارالاسۋلاردى وتكەرگەن ناۋقاستار. ولارعا ارنايى ءۇش كامەرالى كارديوستيمۋلياتورلار (CRT-P) قاجەت.
ماستەر-كلاسقا قاتىسۋشىلار كارديورەسينحرونداۋ تەراپياسى پرينسيپتەرىمەن تانىستى. ونىڭ كلينيكالىق تاجىريبەدە قولدانىلۋى، جۇرەكتىڭ وتكىزگىشتىك جۇيەسى ايماعىنا يمپلانتاسيا جاساۋ كورسەتىلدى.
«ماستەر-كلاستار ءبىزدىڭ مامانداردىڭ مەديسينانىڭ سوڭعى جەتىستىكتەرىنەن حاباردار بولۋىنا، جاڭا ەمدەۋ ادىستەرى مەن تەحنولوگيالاردى مەڭگەرۋىنە، كورسەتىلەتىن مەديسينالىق كومەكتىڭ ساپاسىن ارتتىرۋعا جانە ولاردىڭ كاسىبي وسۋىنە مۇمكىندىك بەرەدى. تاجىريبە الماسۋ دارىگەرلەردىڭ كاسىبي قىزمەتكە قاجەتتى بىلىمدەرىن، بىلىكتىلىك پەن داعدىلارىن جەتىلدىرۋگە ىقپال ەتەدى»، – دەيدى ينستيتۋتتىڭ باسقارما ءتوراعاسى رۇستەم تولەۋتايەۆ.
اسىلحان بۇركىتباي ۇلىنىڭ ايتۋىنشا، ءۇش كامەرالى CRT-P كارديوستيمۋلياتور قارىنشالاردىڭ سينحروندى جۇمىسىن قامتاماسىز ەتىپ، جۇرەكتىڭ ناسوس فۋنكسياسىن جاقسارتادى، قاناينالىم تيىمدىلىگىن جانە ناۋقاستاردىڭ ءومىر ساپاسىن ارتتىرادى. ولار جۇرەكتىڭ ۇزدىكسىز جۇمىسىن قامتاماسىز ەتەدى. كارديورەسينحرونداۋ تەراپياسى جۇرەك قىزمەتىنىڭ جەتكىلىكسىزدىگىن ەمدەۋدىڭ ماڭىزدى كومپونەنتى بولىپ قالا بەرەدى، ال ءۇش كامەرالى قۇرىلعىلاردى قولدانۋ ۇزاق مەرزىمدى كلينيكالىق ناتيجەلەردى جاقسارتادى.
«جۇرەكتىڭ وتكىزگىشتىك جۇيەسىنە باعىتتالعان CRT-P يمپلانتاسياسى جۇرەك قىزمەتى جەتكىلىكسىزدىگى بار ناۋقاستاردا ۇزاق مەرزىمدى ناتيجەلەردى جاقسارتۋعا جاڭا مۇمكىندىك اشادى»، – دەيدى جۇرەك ىرعاعى جانە وتكىزگىشتىگى بۇزىلىستارى بولىمشەسىنىڭ مەڭگەرۋشىسى باعدات احىت.
وپەراسيالار ءساتتى ءوتتى. كارديوستيمۋلياتورمەن ناۋقاستار تولىققاندى ءومىر سۇرە الادى: جۇمىس ىستەۋ، بەلسەندى ءومىر سالتىن ۇستانۋ، سپورتپەن اينالىسۋ، ساياحاتتاۋ، ۇشاقپەن ۇشۋ جانە ت.ب.