كاسىپكەر كەلتىرىلگەن ماتەريالدىق شىعىندى 336 مىڭ تەڭگەگە باعالاعان.
الماتىدا ەكى ەر ادام لوتو اۆتوماتىن بۇزىپ، اقشاسىن الىپ كەتكەن، – دەپ حابارلايدى Almaty-akshamy.kz Polisia.kz-كە سىلتەمە جاساپ.
الماتى وبلىسىنىڭ ەكى تۇرعىنى ويىن اۆتوماتىن بۇزىپ اقشا تاپپاق بولعان. پوليسەيلەردىڭ مالىمەتىنشە، بۇرىن سوتتالعان 35 جانە 31 جاستاعى ەكى ەر ادام مەدەۋ اۋدانىنداعى بۋتيككە كىرىپ، اپپاراتتى بۇزىپ، سول جەردەن 140 مىڭ تەڭگە ۇرلاپ كەتكەن.
«جەدەل-ىزدەستىرۋ ءىس-شارالارى بارىسىندا كۇدىكتىلەر ۇستالدى. ولار ۇرلىق جاساعاندارىن مويىندادى. اتالعان دەرەك ق ر قك-نىڭ 188-بابى 3-بولىگى (ۇرلىق) بويىنشا سوتقا دەيىنگى تەرگەۋدىڭ ءبىرىڭعاي تىزىلىمىنە تىركەلدى. ۇستالعانداردىڭ جەكە باسى وسىعان ۇقساس قىلمىستارعا قاتىسى بار-جوعىنا تەكسەرىلۋدە. ايتا كەتەيىك، ەكى جىگىت تە بۇعان دەيىن بوتەننىڭ مۇلكىن ۇرلاعانى ءۇشىن سوتتالعان بولاتىن. ءقازىر ولار ۋاقىتشا ۇستاۋ يزولياتورىنا قامالدى»، – دەدى، مەدەۋ اۋداندىق پب-عا قاراستى پوليسيا ءبولىمىنىڭ باستىعى ءابدىنۇر تاسىبايەۆ.
ق ر قك-نىڭ 201 بابىنا سايكەس وزگە اقپارات تەرگەۋ مۇددەسىنە وراي جاريا ەتىلمەيدى. ق ر كونستيتۋسياسىنىڭ 77 بابى 3ء-بولىمى، 1-تارماعى، ق ر قك-نىڭ 19-بابى 1-تارماعىنا ساي كەز كەلگەن ازامات سوت شەشىمى زاڭدى كۇشىنە ەنگەنگە دەيىن كىناسىز دەپ سانالادى.