تەرگەۋ بارىسىندا كۇدىكتىنىڭ ينتەرنەت-پلاتفورمالاردىڭ بىرىندە حابارلاندىرۋ جاريالاپ، كونسەرتكە ەكى جالعان بيلەت ساتقاندىعى بەلگىلى بولدى، دەپ حابارلايدى aqshamnews.kz
الماتى قالاسى پد-نىڭ كيبەرقىلمىستارعا قارسى كۇرەس باسقارماسى، بوستاندىق اۋداندىق پوليسيا باسقارماسىنىڭ قىزمەتكەرلەرىمەن بىرلەسە وتىرىپ، وتكەن جەكسەنبىدە وتكەن دجەننيفەر لوپەستىڭ كونسەرتىنە جالعان بيلەتتەر ساتۋ دەرەگى بويىنشا كۇدىكتى ەر ادامدى ۇستادى.
"زاڭ مەن ءتارتىپ" قاعيداتى بىزدەن مۇنداي دەرەكتەرگە جەدەل ارەكەت ەتۋدى تالاپ ەتەدى. ازاماتتاردىڭ اقشاسىن الداۋ جولىمەن يەمدەنۋگە تىرىسقان ادامدار انىقتالىپ، جاۋاپكەرشىلىككە تارتىلاتىن بولادى. وسىنداي جاعدايلارعا تاپ بولماس ءۇشىن بيلەتتەردى تەك رەسمي سايتتاردان نەمەسە سەنىمدى كاسسالاردان ساتىپ الۋدى قاتاڭ تۇردە ۇسىنامىز"، – دەدى الماتى قالاسى پد كيبەرقىلمىسقا قارسى كۇرەس باسقارماسى باستىعىنىڭ ورىنباسارى ەركەبۇلان قويشىبايەۆ.
الاياقتىق دەرەگى بويىنشا قىلمىستىق ءىس قوزعالدى. كۇدىكتى قاماۋعا الىندى.