الماتىدا مەملەكەت جانە قوعام قايراتكەرى، ءۇش مارتە سوسياليستىك ەڭبەك ەرى دىنمۇحامەد قونايەۆتىڭ ومىردەن وتكەنىنە 31 جىل تولۋىنا وراي بيۋستىنە گۇل شوقتارى قويىلدى، دەپ حابارلايدى aqshamnews.kz
ءىس-شاراعا دىنمۇحامەد قونايەۆتىڭ سەرىكتەستەرى مەن ءىزباسارلارى، تۋىستارى مەن جاقىندارى، قوعام وكىلدەرى، قالا تۇرعىندارى مەن ونىڭ قوناقتارى قاتىستى.
«ديماش احمەد ۇلى ماڭگى جۇرەگىمىزدە. ونىڭ ەڭبەگى مەن جەتىستىكتەرى اركەز ەل ەسىندە. بۇعان بيىل دىنمۇحامەد قونايەۆتىڭ ءومىرى مەن قىزمەتىنە ارنالعان كىتاپتاردىڭ شىعۋى دالەل»، - دەپ اتاپ ءوتتى د.ا. قونايەۆ اتىنداعى حالىقارالىق قوردىڭ پرەزيدەنتى ەلدار قونايەۆ
سالتاناتتى ءراسىم سوڭىندا قاتىسۋشىلار ءۇشىن دىنمۇحامەد قونايەۆتىڭ مۇراجاي-ۇيىنە جانە مەموريالدىق پاتەرىنە ەكسكۋرسيا ءوتتى. ەكسپوناتتار قاتارىندا 1992 جىلى دىنمۇحامەد احمەدوۆيچكە سىيعا تارتىلعان جانە دەمەۋشىلەردىڭ قولداۋىنىڭ ارقاسىندا كەزەكتى مەرەيتويىنا قالپىنا كەلتىرىلگەن Pontiac Grant Prix جەكە اۆتوكولىگى ەرەكشە كوزگە ءتۇستى.
