بۇل ءىس-شارالار 28 مىڭ ادامدى قامتىدى. بۇل تۋرالى وڭىرلىك كوممۋنيكاسيالار قىزمەتىنىڭ الاڭىندا الماتى قالاسى ءدىن ىستەرى باسقارماسىنىڭ باسشىسى نۇرلان قيقىموۆ مالىمدەدى، دەپ حابارلايدى aqshamnews.kz
ءدىني ەكسترەميزم مەن تەرروريزم يدەولوگياسىنىڭ تارالۋىنىڭ الدىن الۋ شەڭبەرىندە مەگاپوليستە ءدىن، ساياسات، تاريح، پسيحولوگيا، مادەنيەت، قۇقىق جانە ت. ب. سالالاردا 42 ماماننان تۇراتىن ءاقپاراتتىق-تۇسىندىرۋ توبى جۇمىس ىستەيدى.
وكق سپيكەرى نۇرلان قيقىموۆ اتاپ وتكەندەي، ءاقپاراتتىق-تۇسىندىرۋ جۇمىستارى بارىسىندا حالىقتىڭ تەرىس ءدىني يدەولوگياعا وسال توپتارىنا نەگىزگى باسىمدىق بەرىلەدى.
"جىل باسىنان بەرى ءدىني ەكسترەميزم مەن تەرروريزمنىڭ الدىن الۋ اياسىندا بارلىعى 28 مىڭ ادامدى قامتيتىن 334 ءىس-شارا وتكىزىلدى. بۇدان باسقا، راديكالدى ءدىني يدەولوگياعا يممۋنيتەتتى قالىپتاستىرۋ جانە حالىقتىڭ ءدىندار بولىگى اراسىندا ءداستۇرلى رۋحاني سانانى نىعايتۋ ماقساتىندا پروفيلاكتيكالىق جۇمىسقا مەشىتتەردىڭ بىلىكتى يمامدارى تارتىلادى. بۇل باعىتتا جىل باسىنان بەرى 500-گە جۋىق كەزدەسۋ ۇيىمداستىرىلىپ، 60 مىڭعا جۋىق ادام قامتىلدى. سونداي - اق، 3 مىڭعا جۋىق ادامنىڭ قاتىسۋىمەن قازاق حالقىنىڭ سالت-داستۇرلەرى، تاريحى، اعارتۋشىلارى مەن باتىرلارى تۋرالى 10 ۆيكتورينا وتكىزىلدى"، - دەدى ول.
سونىمەن قاتار، ءدىن سالاسىنداعى زاڭناما تالاپتارىنا قاتىستى 629 مىڭ اقپاراتتىق بروشيۋرا ازىرلەنىپ، جەكە جانە كوپقاباتتى ۇيلەردىڭ تۇرعىندارى اراسىندا تاراتىلدى.
ەكسترەميستىك جانە راديكالدى ءدىني يدەولوگيادان زارداپ شەككەن ازاماتتاردى وڭالتۋعا ەرەكشە نازار اۋدارىلادى. باسقارما جانىنان 2017 جىلدان باستاپ كونسۋلتاسيا جانە تەولوگيالىق وڭالتۋ قىزمەتتەرىن كورسەتەتىن ارنايى ورتالىق جۇمىس ىستەيدى.
"اعىمداعى جىلدىڭ باسىنان باستاپ اتالعان ورتالىقتىڭ قىزمەتى شەڭبەرىندە بىلىكتى تەولوگ-ماماندار مەن پسيحولوگتاردى تارتا وتىرىپ، تەرىس ءدىني يدەولوگيانىڭ ىقپالىنا ۇشىراعان 1000-نان استام اداممەن جۇمىس جۇرگىزىلدى. 7 ايدىڭ قورىتىندىسى بويىنشا جۇرگىزىلگەن جۇمىستىڭ ناتيجەسىندە 84 ادام اقتالدى"، - دەدى ن. قيقىموۆ.
سونداي-اق، "جۋسان"وپەراسياسى اياسىندا ەلگە قايتارىلعان ازاماتتارعا الەۋمەتتىك قولداۋ كورسەتۋ بويىنشا جۇمىستار جۇرگىزىلۋدە.
باسقارما ينتەرنەت ارقىلى ءدىني ەكسترەميستىك يدەولوگيانىڭ كەڭ تارالۋىنا قارسى تۇرۋ ماقساتىندا قارسى ۇگىت-ناسيحات جۇمىستارىن بەلسەندى جۇرگىزۋدە.
وسىلايشا، جىل باسىنان بەرى راديكالدى ءدىني يدەولوگيانىڭ زياندىلىعى تۋرالى 200-دەن استام فوتو جانە بەينەماتەريالدار دايىندالدى، بۇل ماتەريالدار الەۋمەتتىك جەلىلەردەگى رەسمي بەتتەردە، سونداي-اق بلوگەرلەردىڭ، ءدىنتانۋشىلاردىڭ، يمامداردىڭ، جالپى سانى 2،2 ملن.جازىلۋشىسى بار مادەنيەت جانە ونەر وكىلدەرىنىڭ الەۋمەتتىك جەلىلەردەگى پاراقشالارىندا جانە تانىمال اقپاراتتىق پورتالدار مەن اۋماقتىق باق-تا جاريالاندى.
"قارسى ناسيحاتتاۋ جۇمىسىنىڭ ناتيجەلىلىگىن ارتتىرۋ ماقساتىندا SMM جانە ديزاين سالاسىنداعى ماماندار تارتىلادى، سونداي - اق الەۋمەتتىك جەلىلەردە پايدالانۋشىلاردى قىزىقتىرا الاتىن ساپالى جانە وزەكتى ماتەريالداردى ازىرلەۋگە باسىمدىق بەرىلەدى"، - دەپ تولىقتىردى سپيكەر.
باسقارما تۇراقتى نەگىزدە ەكسترەميستىك سيپاتتاعى توپتارعا قول قويىلعان الەۋمەتتىك جەلىلەردى پايدالانۋشىلاردى انىقتاۋ بويىنشا مونيتورينگ جۇرگىزەدى. بيىل وسى جۇمىس اياسىندا 144 مىڭنان استام قولدانۋشى قامتىلدى.
ۇگىت-ناسيحات جۇمىستارىن جۇرگىزۋگە جول بەرمەۋ ماقساتىندا ەكسترەميستىك سيپاتتاعى انىقتالعان توپتاردىڭ دەرەكتەرى ولاردى ودان ءارى بۇعاتتاۋ ءۇشىن تۇراقتى نەگىزدە ءدىنتانۋ ساراپتاماسىنا جىبەرىلەدى.
سونىمەن قاتار، جىل باسىنان بەرى ق ر ءدىن سالاسىنداعى زاڭناماسىن بۇزۋدىڭ 9 فاكتىسى انىقتالدى، ولار بويىنشا ءتيىستى شارالار قابىلداندى.
باسقارمانىڭ مالىمەتىنشە، الماتىدا بارلىعى 17 كونفەسسيانىڭ مۇددەسىن بىلدىرەتىن 192 ءدىني بىرلەستىك تىركەلگەن. قالا اۋماعىندا 118 ءدىني عيمارات جۇمىس ىستەيدى.