ينفراقۇرىلىمدى جاڭعىرتۋ جانە بيۋدجەتتى ۇلعايتۋ: الماتىدا دەنساۋلىق ساقتاۋ سالاسى قالاي دامىپ وتىر
الماتىدا دەنساۋلىق ساقتاۋ سالاسىندا 32 نىسان سالۋ جانە جاڭعىرتۋ جوسپارلانىپ وتىر. بۇل تۋرالى قالا اكىمى ەربولات دوسايەۆ وكق-دە وتكەن كوشپەلى بريفينگتە مالىمدەدى، - دەپ حابارلايدى aqshamnews.kz
بيىل دەنساۋلىق ساقتاۋ سالاسىنىڭ قارجىلاندىرۋ 25%-عا ارتتى. اسىرەسە، دەنساۋلىق ساقتاۋ ينفراقۇرىلىمىن جاڭعىرتۋعا ەرەكشە نازار اۋدارىلدى.
بيىل الماتىنىڭ ءماسليحاتى مەديسينالىق-سانيتارلىق كومەكتىڭ ءبىرىڭعاي ستاندارتىن بەكىتتى، سونىڭ اياسىندا 4 مساك ورتالىعى مەن 1 ەمحانا سالىندى، سونداي-اق 32 نىساننىڭ قۇرىلىس جانە جاڭعىرتۋ جوبالارى (15 اۋرۋحانا، 2 پەرزەنتحانا، 7 ەمحانا، 6 مساك ورتالىعى) ازىرلەنۋدە.
سونىمەن قاتار، 2024 جىلى قالادا بالالارعا شۇعىل مەديسينالىق كومەك كورسەتۋ ورتالىعى اشىلدى. بالالار اراسىنداعى مۇگەدەكتىك دەڭگەيىن تومەندەتۋگە ماڭىزدى ۇلەس قوسقان ەرتە ارالاسۋ ورتالىعى قۇرىلدى.
قالا اكىمى دەنساۋلىق ساقتاۋ ينفراقۇرىلىمىن جاڭعىرتۋ مەن دامىتۋ تۇرعىندارعا مەديسينالىق قىزمەتتەردىڭ قولجەتىمدىلىگى مەن ساپاسىن جاقسارتۋدا ماڭىزدى قادام ەكەنىن اتاپ ءوتتى. بۇل باسىم باعىتتاعى جۇمىستار كەلەسى جىلى جالعاسادى.