الماتىدا دەنساۋلىق ساقتاۋ ينفراقۇرىلىمىنا ەرەكشە كوڭىل بولىنەدى، دەپ حابارلايدى aqshamnews.kz
ماسەلەن، بيىل دەنساۋلىق ساقتاۋ سالاسىن قارجىلاندىرۋ 41،6% ءوسىپ، 51،7 ملرد تەڭگەگە جەتتى. بۇل تۋرالى قالالىق قوعامدىق دەنساۋلىق ساقتاۋ باسقارماسى حابارلادى. وسىلايشا، قارجى مەديسينالىق جابدىقتار مەن ۆاكسينالاردى ساتىپ الۋعا جانە كۇردەلى جوندەۋگە باعىتتالعان.
بيىل 4 مساك ورتالىعىنىڭ قۇرىلىسى جانە 12 ەمحاناعا كۇردەلى جوندەۋ جۇمىستارى اياقتالادى. بۇعان قوسا، 11 جاڭا مساك ورتالىعى مەن ەمحانا، سونداي-اق 3 ەمحانانى كۇردەلى جوندەۋ جوبالانادى.
كادرلىق الەۋەتتى ارتتىرۋ ءۇشىن 2 632 دارىگەر مەن ورتا مەديسينالىق قىزمەتكەردى وقىتۋدىڭ ءۇش دەڭگەيلى باعدارلاماسى ىسكە اسىرىلىپ جاتىر. قازاقستاندا العاش رەت 2024 جىلى 13 ماۋسىمدا الماتى قالاسىنىڭ پەريناتولوگيا جانە بالالار كارديوحيرۋرگياسى ورتالىعىندا «فەتالدى حيرۋرگيا» پيلوتتىق جوباسى ىسكە قوسىلدى. جىلىنا 150 جاتىرىشىلىك وتا جاساۋ جوسپارلانعان.
