اتالعان فيلم 2019 جىلى قازاقستاندىق جانە حالىقارالىق مامانداردىڭ قاتىسۋىمەن گولليۆۋدتا تۇسىرىلگەن.
19 شىلدەدە الماتىدا دەنيس تەننىڭ جوباسى بويىنشا تۇسىرىلگەن "سوقىر ماحاببات" ءفيلمىنىڭ تۇساۋكەسەرى وتەدى، دەپ حابارلايدى Almaty-akshamy.kz
فيلمدە ەرەكشە ەكى جاستىڭ سەزىمى بەينەلەنگەن. فيلمدەگى بويجەتكەن – مىلقاۋ، ال جىگىت سوقىر.
"ولاردىڭ اراسىنداعى ماحاببات تاريحى الەۋمەتتىك جەلىدە حات الماسۋدان باستالادى. ولار بىر-بىرىنە ءوز ەرەكشەلىكتەرى تۋرالى قالاي جەتكىزەرلەرىن بىلمەي الاسۇرادى. كورەرمەن ەرەكشە ادامدار اراسىندا تۋىنداعان تازا،شەكسىز ماحاباتقا كۋا بولادى"، - دەپ جازىلعان فيلم پاراقشاسىندا.
ەستەرىڭىزگە سالا كەتەيىك، دەنيس تەن 2108 جىلى تيمۋر بەكمامبەتوۆتىڭ BAZELEVS كومپانياسى ۇيىمداستىرعان قىسقا مەتراجدى فيلم بايقاۋىنا قاتىسقان بولاتىن.
سپورتشىنىڭ ولىمىنەن كەيىن تيمۋر بەكمامبەتوۆ ونىڭ سەنارييى بويىنشا فيلم ءتۇسىرۋ نيەتى بارىن ايتقان.
ءتۇسىرىلىم قازاقستاندىق جانە حالىقارالىق مامانداردىڭ قاتىسۋمەن 2019 جىلى گولليۆۋدتا ءوتتى.
فيلم پروكاتقا 28 شىلدەدە الماتى مەن نۇر-سۇلتان قالاسىندا بارلىق Chaplin كينوتەاترلارىندا شىعادى.
ەستەرىڭىزگە سالا كەتەيىك، وسىدان ءتورت جىل بۇرىن 19 شىلدەدە الماتىنىڭ ورتاسىندا سپورتشى دەنيس تەن كولىك ۇرلىعىمەن اينالىسۋشىلاردىڭ قولىنان قازا تاپقان بولاتىن.