الماتىدا دەمالىس كۇنى اۋىل شارۋاشىلىعى جارمەڭكەسى وتەدى

الماتىدا دەمالىس كۇنگى اۋىل شارۋاشىلىعى جارمەڭكەلەرىنە فەرمەرلەر 125 توننادان استام ءونىم اكەلەدى

الداعى دەمالىس كۇندەرى، 4-5 قاراشادا الماتى قالاسىنىڭ ءتورت اۋدانىندا 10 ءداستۇرلى اۋىل شارۋاشىلىعى جارمەڭكەسى وتەدى. وعان الماتى وبلىسىنىڭ جاقىن ماڭداعى، ونىڭ ىشىندە قاراساي، جامبىل، ىلە، تالعار جانە ەڭبەكشىقازاق اۋداندارىنىڭ اۋىل شارۋاشىلىعى تاۋارىن وندىرۋشىلەر، سونداي-اق الماتى قالاسىنىڭ ازىق-تۇلىك كاسىپورىندارى قاتىسادى، دەپ حابارلايدى almaty-akshamy.kz 

جارمەڭكەلەردە 50-دەن استام ءونىم تۇرلەرى ۇسىنىلادى، ونىڭ ىشىندە ەت-سۇت، جەمىس-كوكونىس، ءسۇت، شۇجىق، ۇن، جارما، وسىمدىك جانە جانۋار مايلارى جانە ت.ب. جالپى ءونىم كولەمى – 125 توننادان استام.

دەمالىس كۇندەرى جارمەڭكەلەر مىنا مەكەنجايلاردا وتەدى:
1. گوگول - ماسانچي كوشەسى (المالى اۋدانى)؛
2. قازاقفيلم شاعىن اۋدانى (بوستاندىق اۋدانى)؛
3. اباي داڭعىلى، وتەگەن باتىر كوشەسىنىڭ قيىلىسى (اۋەزوۆ اۋدانى)؛
4. مەڭدىقۇلوۆ كوشەسى، بەكتۇروۆ كوشەسى، شيەۆچەنكو كوشەسى، قونايەۆ كوشەسىنىڭ بۇرىشى (مەدەۋ اۋدانى).

اۋىل شارۋاشىلىعى جارمەڭكەلەرى اپتا سايىن سەنبى جانە جەكسەنبى كۇندەرى الماتى قالاسىندا وتەدى. 2023 جىلدىڭ باسىنان بەرى الماتى قالاسىندا 420-عا جۋىق اۋىل شارۋاشىلىعى جارمەڭكەسى ءوتتى. اعىمداعى جىلدىڭ سوڭىنا دەيىن دەمالىس كۇندەرى قوسىمشا 90-عا جۋىق اۋىل شارۋاشىلىعى جارمەڭكەسىن وتكىزۋ جوسپارلانۋدا.