الماتىدا دەمالىس كۇندەرى وتەتىن جارمەڭكەگە اپتا سايىن شامامەن 700 توننا ازىق-تۇلىك ءونىمى ساتىلادى، - دەپ حابارلايدى Aqshamnews.kz.
اتاپ ايتساق، 340 توننادان استام ەت جانە ەت ونىمدەرى، شامامەن 280 توننا كوكونىس پەن جەمىس-جيدەك، 40 توننادان استامى ءسۇت ونىمدەرى جانە 40 تونناعا جۋىق ازىق-تۇلىك پەن تۇزدالعان تاعامدار.
كۇزدىڭ باستالعالى جارمەڭكەدە الماتى مەن الماتى وبلىسى فەرمەرلەرىنىڭ جاڭا ەگىن ءونىمى ۇسىنىلىپ وتىر.
جارمەڭكەنى «الماتى» الەۋمەتتىك-كاسىپكەرلىك كورپوراسياسى ۇيىمداستىرعان. جىل باسىنان بەرى قالادا 316 جارمەڭكە وتكىزىلدى، وندا 330-دان استام فەرمەر 1 000-نان استام ءونىم ءتۇرىن ۇسىنعان. ءونىم اۋىل شارۋاشىلىعى تاۋار وندىرۋشىلەرىنەن جانە قايتا وڭدەۋشى كاسىپورىنداردان دەلدالسىز جەتكىزىلەدى، بۇل نارىق باعاسىنان تومەن دەڭگەيدە ساۋدالاۋعا مۇمكىندىك بەرەدى.
جارمەڭكە ءار سەنبى جانە جەكسەنبى كۇندەرى ساعات 09:00-دەن 18:00-گە دەيىن وتەدى.
وتەتىن ورىندارى:
* المالى اۋدانى — ماسانچي كوشەسى، گوگول جانە ايتەكە بي كوشەلەرىنىڭ اراسى؛
* بوستاندىق اۋدانى — «قازاقفيلم» شاعىناۋدانى، يسينالييەۆ كوشەسى؛
* اۋەزوۆ اۋدانى — وتەگەن باتىر كوشەسى، اباي داڭعىلىنان تومەن؛
* مەدەۋ اۋدانى — مەڭدىقۇلوۆ بۋلۆارى، بەكتۇروۆ كوشەسىنىڭ قيىلىسى؛
* جەتىسۋ اۋدانى — «قۇلاگەر» شاعىناۋدانى، سەرىكوۆ كوشەسى، 2.
اپتا سايىن جارمەڭكەگە 30 مىڭنان استام ادام كەلەدى.
دەمالىس كۇنگى جارمەڭكەدەن بولەك، جاڭا ەگىن ونىمدەرى قالاداعى ساۋدا جەلىلەرىنىڭ سورەلەرىندە دە قولجەتىمدى باعامەن ۇسىنىلىپ وتىر.
«بەرەكە Fest» رەسپۋبليكالىق اكسياسى اياسىندا ساۋدا جەلىلەرى قازاقستاندىق وندىرۋشىلەرگە ارنالعان ارنايى ايماقتار بولەدى. بۇل ءونىمدى نارىق قۇنىنان تومەن باعامەن ساتۋ، ىشكى ءوندىرىستى قولداۋ جانە الەۋمەتتىك ماڭىزى بار ازىق-تۇلىك تاۋارلارىنىڭ باعاسىن تۇراقتاندىرۋعا مۇمكىندىك بەرەدى.
بۇعان دەيىن «بەرەكە Fest» اياسىندا الماتى قالاسى كاسىپكەرلىك جانە ينۆەستيسيالار باسقارماسى، «الماتى» اكك جانە Magnum، Small، Toimart ساۋدا جەلىلەرى اراسىندا ىنتىماقتاستىق تۋرالى مەموراندۋمدار جاسالعان بولاتىن. كەلىسىمدەرگە سايكەس، ساۋدا ۇيلەرىندەگى الەۋمەتتىك ماڭىزى بار ازىق-تۇلىك تاۋارلارىنا ساۋدا ۇستەمەسى 10%-دان اسپاۋى كەرەك.