"ءقاۋىپسىز جول" جەدەل الدىن الۋ ءىس-شاراسى اياسىندا وتكەن دەمالىس كۇندەرى الماتىدا كولىكتى ماس كۇيدە باسقارعان 28 جۇرگىزۋشى ۇستادى.
سولاردىڭ ءبىرى – رىسقۇلوۆ داڭعىلىندا Lada اۆتوكولىگىنىڭ جۇرگىزۋشىسى. ول پوليسيا قىزمەتكەرلەرى توقتاتقان كەزدە تەكسەرىلىپ، ساراپتاما بويىنشا ونىڭ "جەڭىل دارەجەدەگى" ماس كۇيدە بولعانىن راستالدى، دەپ حابارلايدى aqshamnews.kz Polisia.kz-كە سىلتەمە جاساپ.
"ءقاۋىپسىز جول" ءىس-شاراسىنىڭ ماقساتى – جول-كولىك وقيعالارىنىڭ الدىن الۋ، جول قوزعالىسى ەرەجەلەرىنىڭ بۇزىلۋىنا توسقاۋىل قويۋ جانە اسىرەسە ماس كۇيدە كولىك جۇرگىزۋ دەرەكتەرىن بولدىرماۋ. جىل باسىنان بەرى الماتى قالاسىندا 800-دەن استام ماس جۇرگىزۋشى انىقتالىپ، بارلىعى زاڭ اياسىندا جاۋاپكەرشىلىككە تارتىلدى.
– الكوگولدىك ىشىمدىك ءىشىپ، كولىك تىزگىندەگەن ادام تەك ءوزىنىڭ عانا ەمەس، وزگەنىڭ دە ومىرىنە ءقاۋىپ توندىرەدى. پوليسيا مۇنداي قۇقىق بۇزۋشىلىقتاردى انىقتاۋدى جانە ولاردىڭ جولىن قاتاڭ تۇردە كەسۋدى جالعاستىرادى. ءبىز ازاماتتاردى جاۋاپكەرشىلىككە شاقىرامىز. ەگەر ماس جۇرگىزۋشىنى بايقاساڭىز، بىردەن پوليسياعا حابار بەرىڭىز، – دەدى الماتى قالالىق پوليسيا دەپارتامەنتى جەرگىلىكتى پوليسيا قىزمەتى باسقارماسىنىڭ باستىعى سەرىك شۋمايەۆ.
"ءقاۋىپسىز جول" اكسياسى جالعاسىپ جاتىر.