الماتىدا دارىلىك پرەپاراتتاردى زاڭسىز الىپ وتپەك بولعانداردىڭ جولى كەسىلدى

ادام دەنساۋلىعىنا زياندى پرەپاراتتار

الماتى حالىقارالىق اۋەجايىنان سالماعى 92،5 كەلى بولاتىن ادام دەنساۋلىعىنا زيان پرەپاراتتاردى زاڭسىز اكەتپەكشى بولعاندار ۇستالدى، دەپ حابارلايدى Almaty-akshamy.kz.

كەدەندىك باقىلاۋ بارىسىندا الماتى قالاسى بويىنشا مەملەكەتتىك كىرىستەر دەپارتامەنتىنىڭ «جەتىسۋ» كەدەن بەكەتىنىڭ لاۋازىمدى تۇلعالارى الماتى قالاسى بويىنشا ەكونوميكالىق تەرگەۋ دەپارتامەنتى جانە ق ر ۇقك شەكارا قىزمەتىمەن بىرلەسىپ، الماتى قالاسى اۆياسيالىق كولىك پروكۋراتۋراسىنىڭ ۇيلەستىرۋىمەن ق ر اۋماعىنان ۇكىمەت قاۋلىسىمەن بەكىتىلگەن ادام دەنساۋلىعىنا زياندى پرەپاراتتاردى زاڭسىز اكەتۋ ارەكەتىنىڭ جولىن كەستى.

«بۇل سالماعى 92،5 كەلى بولاتىن 2923 پاكەت مولشەرىندەگى دارىلىك پرەپاراتتار بيولوگيالىق بەلسەندى قوسپا سانالادى. سونىمەن قاتار، كەدەندىك ساراپتامانىڭ ناتيجەسىندە بيولوگيالىق بەلسەندى قوسپالار تابلەتكا جانە امپۋلا تۇرىندە ورالعانى، ق ر اۋماعىندا ەكسپورتى مەن يمپورتى شەكتەۋلى بولىپ تابىلاتىن كۇشتى انابوليكالىق ستەرويدتەر ەكەنى انىقتالدى. بۇل دەرەك بويىنشا ماتەريالدار ءىس جۇرگىزۋ شەشىمىن قابىلداۋ ءۇشىن الماتى قالاسى بويىنشا ەكونوميكالىق تەرگەۋ دەپارتامەنتىنە جىبەرىلدى»، - دەپ حابارلادى الماتى قالاسى بويىنشا مەملەكەتتىك كىرىستەر دەپارتامەنتىنىڭ باسپا ءسوز قىزمەتى.