الماتىدا ءدارىحانالاردىڭ بىرنەشە قىزمەتكەرى تونالدى.
ءبىرقاتار ۇرلىق جاسادى دەگەن كۇدىكپەن 39 جاستاعى ەر ادام ۇستالدى، دەپ حابارلايدى Almaty-akshamy.kz Polisia.kz-كە سىلتەمە جاساپ.
«جەدەل ىزدەستىرۋ ءىس-شارالارى بارىسىندا 39 جاستاعى ر.ەسىمدى ازامات ۇستالدى. ول ءبىزدىڭ اۋداندا ورنالاسقان ءدارىحانالاردىڭ قىزمەتكەرلەرىن تونادى دەگەن كۇدىككە ىلىنگەن. الدىن الا مالىمەت بويىنشا، ەپيزودتاردىڭ بىرىندە كۇدىكتى ەم-شارا بولمەسىنەن بوتەننىڭ تەلەفونىن ۇرلاپ كەتكەن. بەينەباقىلاۋ جۇيەلەرىن تالداعاننان كەيىن قاسكويدىڭ ءدارىحاناعا قالاي كىرگەنى جانە جان-جاعىنا قاراپ، ەم-شارا بولمەسىندە تەلەفوندى كورگەنى انىقتالدى. تەلەفوندى قولىنا الىپ، فارماسيەۆت كەلۋشىلەرمەن قولى بوساماي جاتقاندا، جايباراقات كوشەگە شىعىپ كەتكەن. ۇستالعان ادامنىڭ ءوزى قىلمىسقا قاتىسى بارىن جوققا شىعارمايدى. بۇل دەرەك ق ر قك-نىڭ 188-بابى بويىنشا سوتقا دەيىنگى تەرگەۋدىڭ ءبىرىڭعاي تىزىلىمىنە ەنگىزىلگەن»، – دەيدى جەتىسۋ اۋداندىق پوليسيا باسقارماسىنىڭ باستىعى جانىبەك شىناسىلوۆ.
كۇدىكتى ۋاقىتشا ۇستاۋ يزولياتورىنا قامالدى. تەرگەۋ جالعاسىپ جاتىر. قىلمىستىق ءىستىڭ باسقا دا مالىمەتتەرى ق ر قپك-نىڭ 201-بابى جانە ق ر كونستيتۋسياسىنىڭ نورمالارىنا سايكەس جاريا ەتۋگە جاتپايدى.