بۇل اۋقىمدى ءىس-شارا جاستاردىڭ كاسىبي باعىت-باعدارىن انىقتاۋعا جانە ەڭبەك نارىعىنىڭ قاجەتتىلىكتەرىمەن تانىسۋعا مۇمكىندىك بەردى.
فەستيۆالگە الماتى قالاسىنىڭ 26 جوعارى وقۋ ورنى، 30 ءىرى كومپانيا 400 بوس جۇمىس ورىندارىن ۇسىندى، ال قاتىسۋشىلاردىڭ جالپى سانى 2000-نان استام مەكتەپ بىتىرۋشىلەرى مەن جۇمىسسىز جاستاردى قۇرادى، دەپ حابارلايدى aqshamnews.kz
ءىس-شارا الماتى قالاسى جاستار ساياساتى باسقارماسىنىڭ قولداۋىمەن «Almatystudent’s week» اپتالىعىنىڭ اياسىندا ۇيىمداستىرىلدى.
«CareerTime» – بۇل مەكتەپ تۇلەكتەرى مەن قالا جاستارى ءۇشىن ۇلكەن مۇمكىندىكتەر الاڭى. بۇل جەردە ولار ەڭبەك نارىعىنىڭ جاڭا تالاپتارىمەن تانىسىپ، جوعارى وقۋ ورىندارى مەن جۇمىس بەرۋشىلەرمەن تىكەلەي بايلانىس ورناتا الادى. مۇنداي باستامالار جاستاردىڭ كاسىبي وسۋىنە جانە جۇمىسسىزدىق دەڭگەيىن تومەندەتۋگە ىقپال ەتەدى دەپ سەنەمىز»، - دەدى الماتى قالاسى جاستار ساياساتى باسقارماسىنىڭ باسشىسى ازيز كاجدەنبەك.
فەستيۆال بارىسىندا قاتىسۋشىلار ءۇشىن ءارتۇرلى شەبەرلىك سىنىپتارى ۇيىمداستىرىلدى. اتاپ ايتقاندا، IT جانە سيفرلىق داعدىلارعا ارنالعان شەبەرلىك سىنىپتار مەن پرەزەنتاسيالار، فيتنەس پەن سالاۋاتتى ءومىر سالتى بويىنشا شەبەرلىك سىنىپتارى جانە كوركەم سۋرەت بويىنشا شىعارماشىلىق ايماقتار دا بولدى.
«بۇل فەستيۆال ماعان بولاشاعىمدى ايقىنداۋعا كومەكتەستى. مەن وزىمە سايكەس كەلەتىن ۋنيۆەرسيتەتتى تاۋىپ، وقۋ باعدارلاماسىمەن جاقىنىراق تانىستىم. وسىلايشا، مەن بۇگىن ءوزىم ءۇشىن ناقتى شەشىم قابىلدادىم»، - دەدى فەستيۆالگە قاتىسقان 11 سىنىپ وقۋشىسى ايجان.
«CareerTime» فەستيۆالى ءبىلىم بەرۋ، ەڭبەك نارىعى جانە شىعارماشىلىق باعىتتاردىڭ توعىسۋىنىڭ تاماشا ۇلگىسى بولدى. ءىس-شارا جاستاردىڭ كاسىبي جانە جەكە دامۋىنا جاڭا مۇمكىندىكتەر اشىپ، كەلەشەككە سەنىمدى قادام جاساۋعا جاعداي جاسادى.ۇيىمداستىرۋشىلاردىڭ ايتۋىنشا اتالمىش شارا كەلەسى جىلى دا جالعاسىن تاپپاق.
سونىمەن قاتار، ءىس-شارا اياسىندا جاستار ءۇشىن ارنايى كونسەرتتىك باعدارلاماۇيىمداستىرىلدى.