الماتىدا 1،5 جىل بۇرىن جاسالعان قاراقشىلىق شابۋىلدىڭ قاتىسۋشىسى ۇستالدى.
الماتىنىڭ كريمينالدىق پوليسياسىنىڭ مالىمەتىنشە، قىلمىس 2021 جىلدىڭ جەلتوقسان ايىندا بولعان، دەپ حابارلايدى Almaty-akshamy.kz Polisia.kz-كە سىلتەمە جاساپ.
قىلمىستىق جولمەن بايۋ ماقساتىندا ەكى ەر ادام الەۋەتتى كليەنتتەردىڭ اتىن جامىلىپ، جەڭىل ءجۇرىستى قىزدان “قىزمەت كورسەتۋىن” سۇراپ، ونى توناپ كەتكەن. ايەلدىڭ تەلەفونى مەن جيناعان اقشاسىن تارتىپ الۋ ءۇشىن قاسكويلەر ونى بايلاپ تاستاعان.
«وسى قىلمىسقا قاتىسۋشىلاردىڭ ءبىرى ۇستالدى. ول سوتتالدى، جازاسىن وتەپ جاتىر. تاعى ءبىر سىبايلاسى تەرگەۋدەن قاشىپ كەتكەن. وعان مەملەكەتارالىق جانە حالىقارالىق ىزدەۋ جاريالانعان. كۇنى كەشە كۇدىكتى ۇستالىپ، ۋاقىتشا ۇستاۋ يزولياتورىنا قامالدى. بوستاندىق اۋداندىق پب-مەن قاراقشىلىق شابۋىل دەرەگىنە سايكەس ق ر قك-نىڭ 192-بابى 2-بولىگى بويىنشا تەرگەۋ امالدارى جۇرگىزىلىپ جاتىر»، – دەدى الماتى قالالىق پوليسيا دەپارتامەنتى باستىعىنىڭ ورىنباسارى ديدار احانوۆ.
ق ر قپك-نىڭ 201-بابىنا سايكەس وزگە اقپاراتتار تەرگەۋ مۇددەسىنە وراي جاريالاۋعا جاتپايدى. ق ر كونستيتۋسياسىنىڭ 77-بابىنىڭ 3-تارماعىنىڭ 1-تارماقشاسىنا جانە ق ر قپك-نىڭ 19-بابى 1-بولىگىنە سايكەس، زاڭدى كۇشىنە ەنگەن سوت ۇكىمىمەن بەلگىلەنگەنگە دەيىن ءاربىر ادام قىلمىستىق قۇقىقبۇزۋشىلىق جاساۋدا كىناسىز دەپ تانىلادى.