سوعان بايلانىستى الماتىدا 17 شىلدەدە كەي كوشەدە قوزعالىس شەكتەلەدى.
جارىسقا قاتىسۋشىلار 12 كم، 8 كم سكانديناۆيالىق ءجۇرىس قاشىقتىعىندا، سونىمەن قاتار 500 م، 1 جانە 3 كم بالالار قاشىقتىعىندا جارىسادى، دەپ حابارلايدى Almaty-akshamy.kz Zakon.kz-كە سىلتەمە جاساپ.
جۇگىرۋ جارىسىنا بايلانىستى Almaty arena مۇز سارايىنا ىرگەلەس اۋماقتاعى كوشەلەردىڭ ءبىر بولىگى جابىلادى.
«ساعات 18.30-دان 22.00-گە دەيىن ارەنا اۋماعىنىڭ پەريمەترى بويىنشا كولىكتىڭ بارلىق ءتۇرى ءۇشىن قوزعالىس شەكتەلەدى. رىسقۇلوۆ داڭعىلىنىڭ جانە مومىش ۇلى كوشەسىنىڭ بويىمەن ءوتۋ جولى اشىق بولادى»، – دەلىنگەن الماتى اكىمدىگىنىڭ حابارلاماسىندا.
قاتىسۋشىلار مەن جانكۇيەرلەردى جازعى جارىستىڭ سپورتتىق ءارى مەرەكەلىك اتموسفەراسى كۇتەدى. سونىمەن قاتار سەرىكتەستەردىڭ قىزىق شارالارى وتەتىن جارنامالىق ايماقتار، بالالارعا ارنالعان انيماتورلار، تاعامدار مەن سالقىنداتقىش سۋسىندار ۇسىنىلادى.