79 بىرلىك اتىس قارۋى مەن 3976 ءوق-دارى تاركىلەندى
الماتىدا تەرروريزمگە قارسى وپەراسيا باستالعالى بەرى 2402 ادام ۇستالدى. بۇل تۋرالى الماتى قالاسى كومەنداتۋراسىنىڭ اقپاراتتىق ورتالىعى ءمالىم ەتتى، دەپ حابارلايدى Almaty-akshamy.kz.
كومەنداتۋرا مالىمەتىنشە، ارنايى وپەراسيا بارىسىندا الماتىدا لاڭكەستىك، توناۋ جانە باسقا دا قىلمىستاردىڭ 2402 قاتىسۋشىسى ۇستالدى. 79 بىرلىك اتىس قارۋى مەن 3976 ءوق-دارى تاركىلەندى.
«وتكەن تاۋىلىكتە «102» پۋلتىنە 586 حابارلاما كەلىپ ءتۇستى. كومەنداتۋرانىڭ كولل-ورتالىعىنا ازاماتتاردان جەدەل ارەكەت ەتۋدى تالاپ ەتەتىن 93 دابىل قابىلداندى. بارلىق حابارلامالار دەر كەزىندە وڭدەلدى»،- دەيدى الماتى قالاسى كومەنداتۋراسىنىڭ رەسمي وكىلى سالتانات ازىربەك.
سونىمەن قاتار، ول تۇرعىنداردى كومەندانتتىق ساعاتتى بۇزباۋعا شاقىردى.