الماتىنىڭ بوستاندىق اۋدانىنداعى گاز تاراتۋ قۇرىلعىسىنان شىققان اقاۋ تولىق قالپىنا كەلتىرىلدى، دەپ حابارلايدى Almaty-akshamy.kz.
الماتى اكىمدىگىنەن حابارلاعانداي، قالپىنا كەلتىرۋ جۇمىستارى بۇگىن ساعات 18:00-دە تولىق اياقتالدى.
ەسكە سالايىق، كەشە قالانىڭ بوستاندىق اۋدانىندا گاز تاراتۋ قۇرىلعىسىندا اپاتقا قارسى قورعانىستىڭ ىسكە قوسىلۋىنان تۇرعىن ۇيلەر كوگىلدىر وتىنسىز قالعان بولاتىن.
توتەنشە جاعداي «قازترانسگاز ايماق» اق-نىڭ اۆاريالىق-ديسپەچەرلىك قىزمەتىنە اقپارات 30 ناۋرىز ساعات 19:45-تە تۇسكەن. وقيعا سالدارىنان ءتورت شاعىناۋداننىڭ (وربيتا-1،2،3،4) تۇرعىندارى ۋاقىتشا گازسىز قالدى.
«قازترانسگاز ايماق» ماماندارى اپات ورنىنا بارىپ، جەدەل شارالار قابىلدادى. ونىڭ ىشىندە گاز تاراتۋ پۋنكتەرىندە كىرۋ جانە شىعۋ جولىنداعى بەكىتكىش ارماتۋرالار جابىلىپ، قورعاسىندى پلومبامەن پلومبالاندى. قاۋىپسىزدىك تەحنيكاسىنىڭ تالاپتارىنا سايكەس، تۇنگى ۋاقىتتا جوندەۋ-قالپىنا كەلتىرۋ جۇمىستارى جۇرگىزىلمەي، جۇمىستار بۇگىن تاڭعى ساعات 09:00-دە باستالعان بولاتىن.