تىركەلۋ ساعات 10:00-دەن باستالادى.
2022 جىلعى 19 قازاندا ساعات 11:00-دە الماتى قالاسىنداعى اربات (جىبەك جولى – پانفيلوۆ) مەكەنجايىندا جالپىقالالىق بوس جۇمىس ورىندارى جارمەڭكەسى وتەدى، دەپ حابارلايدى Almaty-akshamy.kz
جارمەڭكەنى الماتى قالاسى اكىمدىگىنىڭ تەحنيكالىق قولداۋىمەن «الماتى قالاسى اكىمدىگىنىڭ جۇمىسپەن قامتۋ ورتالىعى» كمم ۇيىمداستىرادى.
جارمەڭكەنىڭ ماقساتى – جاس تۇلەكتەر مەن جۇمىس ىزدەۋشىلەر ءۇشىن جۇمىس ورىندارىنىڭ قولجەتىمدىلىگىن ارتتىرۋ، لايىقتى ۇمىتكەرلەردى تارتۋ ارقىلى جۇمىس بەرۋشىلەرگە جۇمىسقا قابىلداۋ پروسەسىن جەڭىلدەتۋ جانە ولاردىڭ جۇمىسقا ورنالاسۋىنا ىقپال ەتۋ.
جارمەڭكەگە ونەركاسىپ، وڭدەۋ ونەركاسىبى، ساۋدا جەلىلەرى، ازىق-تۇلىك، مەديسينا، فارماسيەۆتيكا جانە ءبىلىم بەرۋ سالالارىنىڭ جۇمىس بەرۋشىلەرى قاتىسادى.
جۇمىس بەرۋشىلەر ۇمىتكەرلەرمەن كەزدەسىپ، ۇمىتكەرلەر بوس جۇمىس ورىندارىمەن جانە تالاپتارمەن تانىسادى. ۇمىتكەرلەرگە تۇيىندەمە جىبەرۋ جانە الدىن الا اڭگىمەلەسۋدەن ءوتۋ مۇمكىندىگى بەرىلەدى.