ءىس-شاراعا پروكۋراتۋرانىڭ قىزمەتكەرلەرى مەن جەكە سوت ورىنداۋشىلارىنىڭ وڭىرلىك پالاتاسىنىڭ سوت ورىنداۋشىلارى تارتىلعان.
الماتىدا «بورىشكەر» شاراسى ءوتىپ جاتىر، دەپ حابارلايدى Almaty-akshamy.kz Polisia.kz-كە سىلتەمە جاساپ.
«قۇقىقبۇزۋشىلىققا مۇلدەم توزبەۋشىلىك» قاعيداسىن قامتاماسىز ەتۋ، جاسالعان قۇقىقبۇزۋشىلىق ءۇشىن جازانىڭ بۇلتارتپاستىعىن جانە سالىنعان اكىمشىلىك ايىپپۇلداردى ءوندىرۋدىڭ تيىمدىلىگىن ارتتىرۋ ماقساتىندا الماتى پوليسياسى «بورىشكەر» جەدەل الدىن الۋ ءىس-شاراسىن وتكىزىپ جاتىر. اۆتوكولىكتەر اعىنى قارقىندى جەرلەردە جول پوليسياسىنىڭ اۆتوەكيپاجى جۇمىلدىرىلعان. اۆتوماتتاندىرىلعان اقپاراتتىق جۇيەلەردىڭ مۇمكىندىكتەرى دە كەڭىنەن قولدانىلادى، ونىڭ ىشىندە «قورعاۋ – ءقاۋىپتى جۇرگىزۋشى» سالىنعان اكىمشىلىك ايىپپۇلدار بويىنشا بەرەشەگى بار بورىشكەرلەردى اۆتوماتتى تۇردە ەسەپتەيدى.
«ءىس-شارا شەكتەۋ قويىلعان ادامدار مەن كولىك قۇرالدارىن، سونداي-اق اكىمشىلىك قۇقىقبۇزۋشىلىق تۋرالى ءىس بويىنشا زاڭمەن بەلگىلەنگەن مەرزىمدە ورىندالماعان قاۋلىلارى بار بورىشكەرلەردى ەرىكتى تۇردە انىقتاۋعا باعىتتالعان. سودان كەيىن ءتارتىپ بۇزۋشىنىڭ كولىگى مامانداندىرىلعان ايىپپۇل تۇراعىنا ورنالاستىرىلادى. كەلگەن جەرى بويىنشا قازاقستان رەسپۋبليكاسىنىڭ اقبتك-گە سايكەس تاركىلەۋ حاتتاماسى جاسالادى. ۇستالعان كولىك قۇرالىن ايىپپۇل تۇراعىنان شىعارۋ ايىپپۇلداردى تولىق وتەگەن كەزدە عانا جۇزەگە اسىرىلادى»، – دەدى الماتى قالالىق پد جەرگىلىكتى پوليسيا قىزمەتى باسقارماسىنىڭ باستىعى ەرجان ۇزابايەۆ.
الماتى پوليسياسى جول قوزعالىسى ەرەجەسىن بۇزعانى ءۇشىن تولەنبەگەن ايىپپۇلدارى بار ازاماتتارعا ۇندەۋ جولداپ، زاڭدى مىندەتتەرىن ورىنداماعان جاعدايدا ماتەريالدار ءوندىرىپ الۋ ءۇشىن جەكە سوت ورىنداۋشىلارىنىڭ وڭىرلىك پالاتاسىنا جىبەرىلەتىنىن ەسكەرتەدى.