الماتىدا بورىشكەر جۇرگىزۋشىلەر انىقتالۋدا

الماتى پوليسياسى “بورىشكەر” جەدەل الدىن الۋ ءىس-شاراسىن وتكىزىپ جاتىر.

ونىڭ ماقساتى -  “قۇقىق بۇزۋشىلىققا مۇلدەم توزبەۋشىلىك” قاعيداتتارىن، جاسالعان قۇقىق بۇزۋشىلىق ءۇشىن جازانىڭ بۇلتارتپاستىعىن قامتاماسىز ەتۋ جانە سالىنعان اكىمشىلىك ايىپپۇلداردى ءوندىرۋدىڭ تيىمدىلىگىن ارتتىرۋ،  دەپ حابارلايدى Almaty-akshamy.kz Polisia.kz-كە سىلتەمە جاساپ.

ءىس-شاراعا مكد-نىڭ قىزمەتكەرلەرى مەن جەكە سوت ورىنداۋشىلارىنىڭ وڭىرلىك پالاتاسىنىڭ سوت ورىنداۋشىلارى تارتىلدى. اۆتوكولىكتەر قارقىندى جۇرەتىن ورىندارعا پاترۋلدىك پوليسيانىڭ كولىكتەرى جۇمىلدىرىلدى. اۆتوماتتاندىرىلعان اقپاراتتىق جۇيەلەردىڭ مۇمكىندىكتەرى دە كەڭىنەن قولدانىلادى، ونىڭ ىشىندە “قورعاۋ – ءقاۋىپتى جۇرگىزۋشى” سالىنعان اكىمشىلىك ايىپپۇلدار بويىنشا بەرەشەگى بار بورىشكەرلەردى اۆتوماتتى تۇردە ەسەپتەيدى.

«ءىس-شارا شەكتەۋ قويىلعان ادامدار مەن كولىك قۇرالدارىن، سونداي-اق اكىمشىلىك قۇقىق بۇزۋشىلىق تۋرالى ءىس بويىنشا زاڭمەن بەلگىلەنگەن مەرزىمدە ەرىكتى تۇردە ورىندالماعان قاۋلىلارى بار بورىشكەرلەردى انىقتاۋعا باعىتتالعان. ودان كەيىن ءتارتىپ بۇزۋشىنىڭ كولىگى مامانداندىرىلعان ايىپپۇل تۇراعىنا ورنالاستىرىلادى. كەلگەن جەرى بويىنشا قازاقستان رەسپۋبليكاسىنىڭ اكىمشىلىك قۇقىق بۇزۋشىلىق تۋرالى كودەكسىنە سايكەس تاركىلەۋ حاتتاماسى تولتىرىلادى. ۇستالعان كولىك قۇرالىن ايىپپۇل تۇراعىنان شىعارۋ ايىپپۇلداردى تولىق وتەگەن كەزدە عانا جۇزەگە اسىرىلادى»، – دەدى الماتى قالالىق پد اكىمشىلىك پوليسيا باسقارماسى باستىعىنىڭ ورىنباسارى بولاتبەك باياتانوۆ.

اكىمشىلىك تاجىريبە ءبولىمىنىڭ مالىمەتىنشە، ءىس-شارا باستالعاننان بەرى كولىك يەلەرىندە 35،5 ملن تەڭگەدەن استام تولەنبەگەن ايىپپۇلدارى بار 44 كولىك قۇرالى ۇستالدى جانە ايىپپۇل تۇراعىنا ورنالاستىرىلدى. 5،6 ملن تەڭگەدەن استام سوماعا سالىق بەرەشەگى مەن شەكتەۋلەرى بار 23 كولىك قۇرالى دا ايىپپۇل تۇراعىنا ورنالاستىرىلدى.