ىشكى ىستەر مينيسترلىگى بوپسالاۋ جانە باسقا دا اۋىر قىلمىستاردى جاسايتىن قىلمىستىق توپتاردىڭ ارەكەتىنىڭ الدىن الۋ، انىقتاۋ جانە جولىن كەسۋ بويىنشا ءىس-شارالاردى جۇزەگە اسىرۋدى جالعاستىرۋدا.
3 ماۋسىمدا الماتى قالاسى پوليسيا دەپارتامەنتى ۇيىمداسقان قىلمىسقا قارسى كۇرەس باسقارماسىنىڭ قىزمەتكەرلەرى ۇلتتىق قاۋىپسىزدىك كوميتەتى جانە پروكۋراتۋرا وكىلدەرىمەن بىرلەسىپ، ءبىرقاتار اۋىر قىلمىس جاسادى دەگەن كۇدىككە ىلىنگەن ادامدار توبىن ۇستادى، دەپ حابارلايدى aqshamnews.kz Polisia.kz-كە سىلتەمە جاساپ.
-ولاردىڭ ءبىر ەپيزودىندا كۇدىكتىلەر شەتەل ازاماتىنا كۇش قولدانىپ، قورقىتۋ ارقىلى ونى جالدامالى پاتەردە زاڭسىز ۇستاعانى جانە قىسىم كورسەتۋ ارقىلى بەس ميلليون تەڭگە كولەمىندەگى قاراجاتىن تارتىپ العانى انىقتالدى. سونداي-اق زاڭسىز قارۋ ساقتاۋ جانە قۇقىققا قايشى جانجالدارعا قاتىسۋ فاكتىلەرى تىركەلدى. 25 ءتىنتۋ جۇرگىزىلىپ، ناتيجەسىندە جەتى تاپانشا، وق-دارىلەر، سۋىق قارۋلار مەن ەسىرتكى زاتتارى تاركىلەندى. انىقتالعان بارلىق فاكتىلەر بويىنشا قىلمىستىق ىستەر قوزعالدى. بارلىق كۇدىكتىلەر ۋاقىتشا ۇستاۋ يزولياتورىنا قامالىپ، زاڭعا سايكەس قاتاڭ جاۋاپكەرشىلىككە تارتىلادى، - دەدى ءىىم ۇيىمداسقان قىلمىسقا قارسى كۇرەس دەپارتامەنتىنىڭ وكىلى قۋاندىق الپىس.
ءىىم ەلدەگى، ونىڭ ىشىندە ءىرى مەگاپوليستەردەگى جەدەل احۋال قۇقىق قورعاۋ ورگاندارىنىڭ تۇراقتى باقىلاۋىندا ەكەنىن اتاپ وتەدى.