الماتىدا بولعان قىز الىپ قاشۋ ارەكەتى پرانك ءۇشىن جاسالعان

كەشە الەۋمەتتىك جەلىلەر ارقىلى قالا ورتاسىندا جاس قىزدى كۇشتەپ الىپ قاشۋ ۆيدەوسى تاراپ كەتتى.

الماتىدا ۆيدەوعا ءتۇسىپ قالعان قىز الىپ قاشقانداردىڭ ارەكەتى پرانك بولىپ شىقتى، دەپ حابارلايدى Almaty-akshamy.kz 

«اتالعان دەرەك بويىنشا تەكسەرۋ شارالارى جۇرگىزىلىپ، ناتيجەسىندە ونىڭ ۇيىمداستىرۋشىلارى مەن قاتىسۋشىلارى انىقتالدى. ولاردىڭ ىس-ارەكەتىنە قۇقىقتىق باعا بەرىلەدى»، - دەپ حابارلادى قالالىق پوليسيا دەپارتامەنتىنەن.

سونىمەن قاتار پرانك جاساعان 18 جاستاعى بويجەتكەن حالىقتان كەشىرىم سۇرادى.

«بۇل الەۋمەتتىك ەكسپەريمەنت - پرانك ەكەنىن ايتقىم كەلەدى. مەن سول ۆيدەوداعى قىزبىن. مەندە ءبارى جاقسى، مەنى ەشكىم الىپ قاشقان جوق. جۇرتشىلىقتان كەشىرىم سۇرايمىز»، - دەدى ول.

«شيەۆرولە نەكسيا» اۆتوكولىگىنىڭ جۇرگىزۋشىسى – 1988 جىلى تۋعان ي.ەسىمدى ازامات تا انىقتالىپ، اكىمشىلىك جاۋاپقا تارتىلدى.

«قۇقىقبۇزۋشىلىق دەرەگىنە سايكەس، وعان قاتىستى ق ر اقبك-نىڭ 290-بابىنىڭ 2-بولىگى (كق مەملەكەتتىك تىركەۋ نومىرلىك بەلگىسىنسىز باسقارۋ) جانە ق ر اقبك-نىڭ 601-بابىنىڭ 1-بولىگى (جول بەلگىلەرى مەن تاڭبالارىنىڭ تالاپتارىن ساقتاماۋ) بويىنشا اكىمشىلىك حاتتامالار تولتىرىلدى. كولىك قۇرالى مامانداندىرىلعان ايىپپۇل تۇراعىنا قويىلدى»، - دەپ اتاپ ءوتتى ۆەدومستۆودا.