الماتى قالاسى كاسىپكەرلەر پالاتاسىنىڭ ديرەكتورى ايتۋار قوشمامبەتوۆ وڭىرلىك كوممۋنيكاسيالار قىزمەتىنىڭ بريفينگىندە كاسىپكەرلەردى قولداۋ بويىنشا وسى جىلى قانداي باعدارلامالار قولدانىلاتىنىن ايتتى. دەپ حابارلايدى almaty-akshamy.kz
ايتۋار. قوشمامبەتوۆتىڭ ايتۋىنشا، جىل باسىنان بەرى «قاراپايىم زاتتار ەكونوميكاسى» باعدارلاماسى بويىنشا 22،2 ملرد تەڭگە سوماعا 17 جوبا قارجىلاندىرىلىپ، ماقۇلداندى. ايتا كەتسەك، ىلەسپە جوبالاردىڭ ىشىندە وڭدەۋ ونەركاسىبى 87%-دا كوشباسشى ورىنعا يە، ءارى قاراي قىزمەت كورسەتۋ سالاسى.
جوبالاردىڭ ەڭ كوپ سانى «بيزنەستىڭ جول كارتاسى – 2025» اياسىندا قارجىلاندىرىلدى. بارلىعى 84،5 ملرد تەڭگە سوماعا 1 199 جوباعا كومەك كورسەتىلدى.
«ەڭبەك» مەملەكەتتىك باعدارلاماسى اياسىندا 1 ملرد تەڭگەنىڭ 73 جوباسى قارجىلاندىرىلدى.
بيزنەستى قارجىلاي قولداۋ تۋرالى ايتا كەلىپ، ايتۋار قوشمامبەتوۆ بيىل «الماتىلىق وندىرۋشىلەر» پۋلى قۇرىلعانىن حابارلادى.
«ءبىز الماتى قالاسى اكىمىنىڭ ورىنباسارلارىمەن بىرلەسىپ، وندىرۋشىلەردىڭ پروبلەمالارى مەن ناقتى جۇكتەمەسىن انىقتاۋ ءۇشىن ولارعا بارامىز. 25 وتاندىق كاسىپورىنعا بارىپ، ولاردىڭ جۇمىستارىن ارالاپ كوردىك»، - دەپ اتاپ ءوتتى پالاتا ديرەكتورى.
ناتيجەسىندە «ال باكارا»، «الما-مەبەل» جانە «تورنادو PLUS» جشس-مەن 400 ملن تەڭگەگە مەكتەپ جيھازىن جەتكىزۋگە، «سكلاد وۆ» كاسىپورنىمەن 50،6 ملن تەڭگە سوماسىنا 19 مىڭ سەكسيا رادياتورىن جەتكىزۋگە كەلىسىمشارت جاسالدى. جۇرگىزىلىپ جاتقان جۇمىستاردىڭ ارقاسىندا «الماتىليفت» كومپانياسى 449 ملن تەڭگەگە 46 ليفت جەتكىزەدى.