الماتى قالاسى كاسىپكەرلەر پالاتاسىنىڭ ديرەكتورى ايتۋار قوشمامبەتوۆ وڭىرلىك كوممۋنيكاسيالار قىزمەتىنىڭ باسپا ءسوز كونفەرەنسياسىندا «باستاۋ بيزنەس» جوباسىنىڭ ءساتتى جۇزەگە اساتىنىن حابارلادى. بيىل 2 201 الەۋەتتى كاسىپكەر كۋرستان ءوتتى، ونىڭ 277ء-سى مەملەكەتتىك قولداۋعا يە بولدى، دەپ حابارلايدى almaty-akshamy.kz
جوبانىڭ ارقاسىندا جۇمىسسىزدار باستاپقى كاپيتالدىڭ بولماۋى ماسەلەسىن شەشە الادى، ول ءۇشىن كاسىپكەرلىك كۋرستارىنان ءوتۋ جەتكىلىكتى.
ايتۋار قوشمامبەتوۆتىڭ ايتۋىنشا، بيزنەستىڭ باستالۋى وقىتۋ بارىسىندا قالانادى. «باستاۋ بيزنەس» قاتىسۋشىلارىن كاسىبي بيزنەس-جاتتىقتىرۋشىلار وقىتادى، ولار قانداي قارجى ينستيتۋتتارىندا جانە قانداي شارتتار بويىنشا ءىسىن جاڭا باستاعان كاسىپكەردىڭ باستاپقى كاپيتالدى الۋ مۇمكىندىگى بار ەكەنىن ايتادى.
جاڭادان كەلگەن كاسىپكەرلەرگە بيزنەس-جوسپاردى بىرنەشە قادامعا قالاي بولۋگە جانە ولاردى وزدەرىنە زيان كەلتىرمەستەن دايەكتى تۇردە ورىنداۋعا بولاتىندىعى تۇسىندىرىلەدى. باعدارلاماعا قاتىسۋشىلارعا 200 اەك كولەمىندە گرانتتار بولىنەدى – بۇل شامامەن 500 مىڭ تەڭگە. بۇل اقشا ءوز ءىسىن اشۋعا جەتكىلىكتى.
سونداي-اق، ا. قوشمامبەتوۆ ىسكە قوسىلعان «ءۋچوت.كز» Atameken Business Club پلاتفورماسى ارقىلى نيەت بىلدىرۋشىلەر بۋحگالتەرلىك ەسەپ، سالىق، كادرلار جانە بيزنەستى جۇرگىزۋدىڭ باسقا دا وزەكتى ماسەلەلەرى بويىنشا تەگىن ونلاين-كەڭەستەر الا الاتىنىن ايتتى. ساباقتاردى Amazon، Wildberries، Yandex Go، Ozon جانە Satu.kz سياقتى ءىرى حولدينگتەردىڭ وكىلدەرى جۇرگىزەدى.
سونىمەن قاتار، بيىل Almaty Business – 2021 وقىتۋ باعدارلاماسى ىسكە قوسىلدى. ول جۇمىس ىستەپ تۇرعان شاعىن جانە ورتا بيزنەس سۋبەكتىلەرىن اكسەلەراسيالاۋعا باعىتتالعان.
«وسى باعدارلاما اياسىندا جۇمىس ىستەپ تۇرعان كاسىپكەرلەرگە بيزنەستىڭ زاماناۋي قۇرالدارى ۇيرەتىلەدى. بيىلعى جىلى 1 000 شوب سۋبەكتىسى وقۋدان ءوتتى. نەگىزىنەن ولار – ازىق-تۇلىك جانە ازىق-تۇلىكتىك ەمەس ريتەيل، قوعامدىق تاماقتانۋ وبەكتىلەرى، قىزمەت كورسەتۋ سالاسى، جيھاز، تاماق جانە تىگىن ءوندىرىسىنىڭ وكىلدەرى»، - دەدى ايتۋار قوشمامبەتوۆ.
ءسوزىنىڭ سوڭىندا پالاتا ديرەكتورى كاسىپكەرلەردى باسەكەلەستىكتەن، وقۋدان ۇرەيلەنبەۋگە شاقىردى. ونىڭ پىكىرىنشە، بيزنەستەگى سالاۋاتتى باسەكەلەستىك – دامۋدىڭ جاقسى مۇمكىندىگى.