الماتى قالالىق ءبىلىم باسقارماسى مەكتەپ وقۋشىلارىنىڭ جاڭا وقۋ جىلى قانداي فورما كيەتىنىن ايتتى، دەپ حابارلايدى Almaty-akshamy.kz.
سونىمەن ۇل بالالارعا ارنالعان مەكتەپ فورماسى: پيدجاك، جيلەت، شالبار، كويلەك، كۇندەلىكتى كويلەك. بۇل رەتتە شالبار كەڭ، ۇزىندىعى توبىقتى جاۋىپ تۇرۋى كەرەك. قىستا توقىلعان كەۋدەشە قوسۋعا بولادى. گالستۋك كلاسسيكا فورماسىندا بولۋى جانە نەگىزگىگە نەمەسە مەكتەپ فورماسىنىڭ تۇسىنە ساي بولۋى كەرەك.
«بيىل مەكتەپ فورماسىنا ەشقانداي وزگەرىس ەنگەن جوق. كيىم ۇلگىسى كلاسسيكا ستيلىندە، ءبىرتۇتاس قويۋ كوك تۇستە بولۋى كەرەك»، – دەدى الماتى قالالىق ءبىلىم باسقارماسى.
قىزدارعا ارنالعان مەكتەپ فورماسى: پيدجاك، جيلەت، يۋبكا، سارافان، شالبار، كلاسسيكا ستيلىندەگى بلۋزكا. شالبار دا كەڭ بولۋى كەرەك جانە ۇزىندىعى بويىنشا توبىقتى جابۋى كەرەك. قىستا توقىلعان كەۋدەشە قوسۋعا بولادى. ءبىراق بەلدەمشەنىڭ ۇزىندىعىن ءبىلىم بەرۋ ۇيىمى مەن قامقورشىلىق كەڭەس بەلگىلەيدى، سودان كەيىن جالپى مەكتەپتىك اتا-انالار جينالىسىنىڭ حاتتاماسىمەن بەكىتىلەدى.
مەكتەپ فورماسىنىڭ ماتاسىن تاڭداعاندا توزۋعا توزىمدىلىگى جوعارى جانە انتيستاتيكالىق قاسيەتى بار جارتىلاي ءجۇندى ماتەريالدى تاڭداعان دۇرىس.
اياقكيىمگە قاتاڭ تالاپتار جوق. ەڭ باستىسى - كلاسسيكا ءستيلىن ۇستانۋ.
«مەكتەپ فورماسىنا ءتۇرلى ءدىني اعىمدار كيىمىنىڭ ەلەمەنتتەرىن ەنگىزۋگە جول بەرىلمەيدى. مەكتەپ فورماسىنا قويىلاتىن تالاپتار تراۆماتيكالىق فۋرنيتۋراعا جاتاتىن كيىم مەن اكسەسسۋارلاردى تاعىپ، كيىپ كەلۋدى قۇپتامايدى»، – دەپ تولىقتىردى الماتى قالالىق ءبىلىم باسقارماسى.
10 قاڭتاردا وقۋ-اعارتۋ ءمينيسترى ورتا ءبىلىم بەرۋ ۇيىمدارىنىڭ مەكتەپ فورماسىنا قويىلاتىن تالاپتارعا وزگەرىستەر ەنگىزدى. اتاپ ايتقاندا، قىزدارعا دا، ۇلدارعا دا مەكتەپ فورماسىنىڭ ەلەمەنتتەرىنە تۇيمەسى نەمەسە قۇلپى بار توقىلعان جەمپىر/كارديگان، پولو جەيدە نەمەسە فۋتبولكا قوسىلدى. سونىمەن قاتار گالستۋك ەندى وقۋشى گاردەروبىنىڭ مىندەتتى ەلەمەنت ەمەس.