الماتى پد اكىمشىلىك قاماۋعا الىنعاندار ءۇشىن قابىلداپ-تاراتۋدان ارنايى رەپورتاج ءتۇسىرىلدى.
ماس كۇيدە كولىك جۇرگىزگەندى ۇناتاتىندار دا وسى جەردە اكىمشىلىك جازاسىن وتەيدى، دەپ حابارلايدى aqshamnews.kz Polisia.kz-كە سىلتەمە جاساپ.
– بەلگىلى بولعانداي، زاڭ كولىك قۇرالىن ەسىرتكى نەمەسە الكوگولدىك ماساڭ كۇيدە باسقارعانى ءۇشىن جازانى كۇشەيتتى. بۇل ءۇشىن مينيمالدى جازا، اكىمشىلىك قاماۋعا الۋ جانە 7 جىل مەرزىمگە كولىك قۇرالىن باسقارۋ قۇقىعىنان ايىرۋ. ال ەگەر بۇل قۇقىق بۇزۋشىلىق قايتالانسا، قىلمىستىق جاۋاپكەرشىلىككە اكەپ سوعۋى مۇمكىن. وتكەن جىلى الماتى قالاسىنىڭ جولدارىندا الدىڭعى ساپتاعى بولىمشەلەردىڭ قىزمەتكەرلەرىمەن 2 مىڭ 440 ماس جۇرگىزۋشى ۇستالىپ، كولىك جۇرگىزۋ قۇقىعىنان ايىرىلدى. ولاردىڭ كەيبىرەۋلەرى جول-كولىك وقيعالارىنىڭ كىنالىلەرى بولدى، سونىڭ سالدارىنان ادامدار زارداپ شەكتى، - دەدى الماتى قالالىق پد اكىمشىلىك پوليسيا باسقارماسىنىڭ باسشىسى اسحات قۇلبايەۆ. سونىمەن قاتار جەرگىلىكتى پوليسيا قىزمەتىنىڭ مالىمەتىنشە، بيىلعى جىلدىڭ باسىنان بەرى الماتىدا كولىكتى ماس كۇيىندە باسقارعان 197 ادام ۇستالعان. سولاردىڭ ءبىرى – الماتىلىق ن.ەسىمدى ازاماتشا. ول وسى ءىسى ءۇشىن وكىنەدى. – قۇربىلارىممەن ءدامحانادا بولدىق، سول جەردە ىشىمدىك ءىشىپ، مەن رۋلگە وتىردىم. مەنى پوليسيا قىزمەتكەرلەرى ۇستادى. سوت مەنى 7 جىل مەرزىمگە كولىك ايداۋ قۇقىعىمنان ايىرىپ، 20 تاۋلىككە قاماۋعا الدى. ءوز ارەكەتىمە قاتتى وكىنەمىن. مەنىڭ قاتەلىكتەرىمدى قايتالاماڭىزدار، - دەدى ايەل.