«جاسىل ەل» رەسپۋبليكالىق باعدارلاماسىنىڭ مەگاپوليستە قالاي جۇمىس ىستەيتىنى الماتى قالاسىنىڭ وڭىرلىك كوممۋنيكاسيالار قىزمەتىندە وتكەن بريفينگتە ايتىلدى. «QAMQOR CHARITY» قوعامدىق قورىنىڭ ءتورايىمى، الماتى قالاسى اكىمى جانىنداعى جاستار كەڭەسىنىڭ مۇشەسى باعدات اناربايەۆا جانە جاستار ساياساتىن دامىتۋ مەملەكەتتىك قورى ديرەكتورىنىڭ مىندەتىن اتقارۋشى ءازيز قاجدەنبەك سپيكەر رەتىندە قاتىستى، دەپ حابارلايدى اlmaty-akshamy.kz.
«جاسىل ەل» باعدارلاماسى 16-دان 29 جاسقا دەيىنگى جاستارعا ارنالعان. ول جازعى ۋاقىتتا جاستاردىڭ باسىن بىرىكتىرەدى جانە الەۋمەتتىك ءارى ەكولوگيالىق جوبالاردى جۇزەگە اسىرادى.
«بۇگىن ءبىز جاستار ءۇشىن وتە ماڭىزدى جانە پايدالى جوبا تۋرالى ايتىپ وتىرمىز. بۇل باعدارلاما كوپ جىلدار بويى جۇمىس ىستەپ كەلەدى جانە جىل سايىن جازعى كەزەڭدە ستۋدەنتتەرگە جۇمىس تابۋ جانە از دا بولسا تابىس تابۋ تابۋ ماقساتىندا قولداۋ كورسەتەدى. سونىمەن قاتار، قالامىزدىڭ كوركەيىپ، كوگالداندىرۋىنا سەپتىگىن تيگىزەدى»، - دەيدى ب.اناربايەۆا.
جالپى، اتالعان باعدارلاما اياسىندا بارلىق كەزەڭىندە 20 مىڭنان استام ستۋدەنت پەن جۇمىسسىز جاستار جۇمىسقا ورنالاستىرىلدى.
«بيىل 3 مىڭنان استام جاس بۇل قاتارعا وتۋگە نيەت بىلدىرگەن. بيىلعى جىلى باعدارلاما اياسىندا كۆوتا 1900 ورىندى قۇرادى. ءبىز ونى تولىقتاي قامتىدىق»، - دەپ تولىقتىردى ءا.قاجدانبەك.
باعدارلاما اياسىندا جاستار تەك ەكولوگيالىق اكسيالارعا عانا ەمەس، سونىمەن بىرگە، ءىرى اۋقىمدى شارالارعا قاتىستى. بيىل «تابيعاتتى باعالايىق» چەللەندجى ىسكە قوسىلدى، جاستار ەكواكسيالارعا قاتىستى.
«جاسىل ەل» مۇشەسى بولۋ وڭاي، ول ءۇشىن ونىڭ كەڭسەسىندە تىركەلۋ قاجەت. بيىل بۇل جوبانى جاستار ساياساتىن دامىتۋ مەملەكەتتىك قورى جۇزەگە اسىرۋدا.
بريفينگ سوڭىندا سپيكەرلەر بۇل جوباعا جاستار اراسىندا سۇرانىستىڭ وتە جوعارى ەكەنىن اتاپ ءوتتى. ولار جاستاردىڭ قوسىمشا تابىس تابۋىنا مۇمكىندىكتەرى بولۋى ءۇشىن «جاسىل ەلدى» جازدا عانا ەمەس، ساباق ۋاقىتىندا دا دامىتۋدى جوسپارلاپ وتىر. كەلەسى جىلى جالاقىنى كوتەرۋ جوسپارلانۋدا.
بارلىق قىزىقتىرعان سۇراقتار بويىنشا بايتۇرسىنوۆ، 22، 1-كورپۋس مەكەنجايى بويىنشا جۇگىنۋگە بولادى.